மாருதி Fronx-இன் இந்த வேரியண்ட் தான் வேண்டும்.. விலை அறிவிப்புக்கு பின் மனம் மாறிய வாடிக்கையாளர்கள் – ஏன் தெரியுமா?

மாருதி சுசுகி நிறுவனம் தனது நெக்சா பிராண்டிங்கில் அறிமுகம் செய்த Fronx மாடல் பலேனோ பிரீமியம் ஹேச்பேக்-ஐ தழுவி உருவாக்கப்பட்டு இருக்கிறது. 2023 ஆட்டோ எக்ஸ்போ நிகழ்வில் அறிமுகம் செய்யப்பட்ட பலேனோ ஹேச்பேக் மாடலில் 1.0 லிட்டர் பூஸ்டர்ஜெட் டர்போ பெட்ரோல் என்ஜின் கொண்டிருக்கிறது. அறிமுகம் செய்வதற்கு முன் இந்த மாடலுக்கு அதிக வரவேற்பு கிடைத்து வந்தது.

fronx

பிறகு இந்திய சந்தையில் Fronx மாடலின் விலை விவரங்களை அறிவித்த பிறகு 1.2 லிட்டர் NA K12N பெட்ரோல் என்ஜின் வேரியண்ட்-க்கான வரவேற்பு அதிகரிக்க துவங்கியது. இது குறித்து தனியார் செய்தி நிறுவனத்திற்கு பேட்டி அளித்த மாருதி சுசுகி இந்தியா லிமிடெட் நிறுவன மூத்த நிர்வாக அலுவலர் சஷான்க் ஸ்ரீவஸ்தவா, விலை அறிவிப்புக்கு பிறகு முன்பதிவு எப்படி மாறியது என்று தெரிவித்தார்.

“Fronx மாடலை பொருத்தவரை 55 சதவீதம் டர்போ யூனிட்களும், 45 சதவீதம் K12 யூனிட்களாக இருந்தது, ஆனால் விலை அறிவிக்கப்பட்ட பிறகு, மிகப்பெரிய மாற்றம் நடைபெற்றது. அறிமுகம் செய்யப்பட்ட பின், 15 சதவீத முன்பதிவுகள் டர்போ யூன்ட்களும், 85 சதவீத முன்பதிவுகள் NA வேரியண்ட்களுக்கும் மாறி இருக்கிறது,” என்று அவர் தெரிவித்தார்.

Maruti-Suzuki-Fronx

பலேனோ மாடலை விட வித்தியாசமான டிசைன் மற்றும் ஸ்டைலிங் கொண்டிருக்கும் மாருதி சுசுகி Fronx மாடல் இருவித பெட்ரோல் என்ஜின் ஆப்ஷன்களில் கிடைக்கிறது. ஒவ்வொரு என்ஜினும் ஒற்றை வேரியண்டிலேயே கிடைக்கிறது. சற்றே குறைவான சக்திகொண்ட 1.2 லிட்டர் மாடல் சிக்மா மற்றும் டெல்டா வேரியண்ட்களில் கிடைக்கிறது.

1.0 லிட்டர் டர்போ பெட்ரோல் மாடல் சீட்டா மற்றும் ஆல்ஃபா வேரியண்ட்களில் கிடைக்கிறது. இருவித என்ஜின்களை கொண்ட ஒற்றை வேரியண்ட் ஆக டெல்டா பிளஸ் இருக்கிறது. 1.2 லிட்டர் மற்றும் 1.0 லிட்டர் என்ஜின் கொண்ட வேரியண்ட்களின் விலை வேறுபாடு ரூ. 1 லட்சம் ஆகும்.

fronx 2

1.2 லிட்டர் மேனுவல் வேரியண்ட் மற்றும் 1.0 லிட்டர் டர்போ மேனுவல் வேரியண்ட் இடையேயான விலை வித்தியாசம் ரூ. 2 லட்சத்து 75 ஆயிரம் ஆகும். 1.2 லிட்டர் AMT வேரியண்ட் மற்றும் 1.0 லிட்டர் டர்போ ஆட்டமேடிக் வேரியண்ட்களிடையேயான விலை வித்தியாசம் ரூ. 3 லட்சத்து 70 ஆயிரம் ஆகும்.