Mercedes-Benz-GLC
மெர்சிடிஸ் பென்ஸ் நிறுவனம் தனது இரண்டாவது தலைமுறை மெர்சிடிஸ் பென்ஸ் GLC மாடலை அறிமுகம் செய்வதற்கான பணிகளில் ஈடுபட்டு வருகிறது. இந்த காரின் டெஸ்டிங் இறுதிக்கட்டத்தை எட்டியுள்ளது. ஜூலை மாதம் புதிய மெர்சிடிஸ் பென்ஸ் GLC மாடல் அறிமுகம் செய்யப்பட இருக்கிறது. இந்த நிலையில், முற்றிலும் புதிய மெர்சிடிஸ் பென்ஸ் GLC மாடலுக்கான முன்பதிவு துவங்கி நடைபெற்று வருகிறது.
புதிய கார் முன்பதிவு பற்றி மெர்சிடிஸ் பென்ஸ் சார்பில் இதுவரை எந்த தகவலும் வழங்கப்படவில்லை. எனினும், பென்ஸ் விற்பனையாளர்கள் அதிகாரப்பூர்வமற்ற முறையில் புதிய பென்ஸ் GLC மாடலுக்கான முன்பதிவை துவங்கி உள்ளனர். முதல் தலைமுறை GLC மாடல் இந்தியா மட்டுமின்றி உலக சந்தையிலும் அமோக வெற்றி பெற்ற மாடல் ஆகும். இது பென்ஸ் நிறுவனத்தின் அதிகம் விற்பனையாகும் மாடல்களில் ஒன்று ஆகும்.
Mercedes-Benz-GLC-2
இந்திய சந்தையில் முற்றிலும் புதிய மெர்சிடிஸ் பென்ஸ் மாடல் டெஸ்டிங் செய்யப்படும் போது எடுக்கப்பட்ட படங்களை அந்நிறுவனம் வெளியிட்டது. இந்த புகைப்படங்களில் இருந்த மாடல் AMG லைன் வேரியண்ட் இல்லை. இதன் கிரில் க்ரோம் ஃபினிஷ் செய்யப்பட்ட ஸ்டார் மற்றும் பெரிய அலாய் வீல்களை கொண்டிருக்கவில்லை. இந்த மாடலில் செங்குத்தான ஸ்லாட்கள், 18-இன்ச் அலாய் வீல்கள் வழங்கப்பட்டு இருந்தன.
என்ஜின் விவரங்கள்:
புதிய மெர்சிடிஸ் பென்ஸ் GLC மாடல் GLC 300 அல்லது GLC 43 AMG வெர்ஷன்களில் விற்பனை செய்யப்படும் என்று தெரிகிறது. சர்வதேச சந்தையில், புதிய GLC மாடலில் இரண்டு, 4-சிலிண்டர் பெட்ரோல் மற்றும் டீசல் என்ஜின் ஆப்ஷன்கள், பிளக்-இன் ஹைப்ரிட் ஆப்ஷன்கள் வழங்கப்பட்டுள்ளன. இந்த கார் 120 கிலோமீட்டர்கள் வரையிலான ரேன்ஜ், 4மேடிக் 4-வீல் டிரைவ் ஸ்டாண்டர்டு அம்சமாக வழங்கப்படுகிறது.
Mercedes-Benz-GLC–1
இதுவரை வெளியாகி இருக்கும் தகவல்களில் மெர்சிடிஸ் பென்ஸ் நிறுவனம் புதிய GLC 200 மாடலை 2.0 லிட்டர் பெட்ரோல் என்ஜினுடனும் GLC 220d மாடலை 2.0 லிட்டர் டீசல் என்ஜினுடனும் அறிமுகம் செய்யும் என்று குறிப்பிடப்பட்டு இருக்கிறது. இரு வேரியண்ட்களுடன் 48 வோல்ட் இன்டகிரேட் செய்யப்பட்ட மோட்டார் வழங்கப்படுகிறது.
எதிர்பார்க்கப்படும் விலை விவரங்கள் :
மெர்சிடிஸ் பென்ஸ் GLC மாடலின் விலை தற்போது ரூ. 72 லட்சம், எக்ஸ்-ஷோரூம் என்று துவங்குகிறது. புதிய மாடலில் மேம்பட்ட தோற்றம் மற்றும் புதிய தொழில்நுட்பங்கள் வழங்கப்படும் என்பதால், இரண்டாம் தலைமுறை GLC மாடலின் விலை சற்று அதிகமாகவே நிர்ணயம் செய்யப்படும் என்று தெரிகிறது. இதன் விலை கிட்டத்தட்ட ரூ. 75 லட்சம், எக்ஸ்-ஷோரூம் முதல் துவங்கும் என்று தெரிகிறது.
பிரதமர் இன்டர்ன்ஷிப் திட்டம் முதற்கட்ட செயல்பாடுகள் துவங்கப்பட்டுள்ளன. இந்த திட்டத்தின் கீழ் 2024-25 காலக்கட்டத்தில் 1.25 லட்சம் பேருக்கு இன்டர்ன்ஷிப்…
இந்தியாவில் இருந்து வெளநாடுகளுக்கு பயணம் செய்ய பாஸ்போர்ட் மிக முக்கிய ஆவணமாக உள்ளது. வெளியுறவு அமைச்சகத்தின் கீழ் நாடு முழுக்க…
மகளிர் டி20 உலகக் கோப்பை கிரிக்கெட் தொடர் துவக்கம் முதலே பரபர சம்பவங்களை காணத் துவங்கியது. இந்தத் தொடரில் இந்திய…
மகளிர் டி20 கிரிக்கெட் தொடரில் நேற்று மாலை நடைபெற்ற போட்டியில் வெஸ்ட் இண்டீஸ் மற்றும் தென் ஆப்பிரிக்கா அணிகள் மோதின்.…
இந்தியாவில் சுற்றுப் பயணம் மேற்கொண்டுள்ள வங்கதேசம் அணி இரண்டு போட்டிகள் கொண்ட டெஸ்ட் தொடரைத் தொடர்ந்து டி20 தொடரில் விளையாடுகிறது.…
மகளிர் டி20 உலகக் கோப்பை கிரிக்கெட் தொடர் ஐக்கிய அரபு அமீரகத்தின் ஷார்ஜா மற்றும் துபாயில் நடைபெற்று வருகிறது. இந்தத்…