அவுங்க 3 பேரும் ரொம்ப நல்ல வீரர்கள்! இந்திய வீரர்களை புகழ்ந்து தள்ளிய ரிக்கி பாண்டிங்.!

ஆஸ்திரேலியா அணியின் முன்னாள் கிரிக்கெட் வீரர் ரிக்கி பாண்டிங் சமீபத்திய பேட்டி ஒன்றில் இந்திய இளம் கிரிக்கெட் வீரர்களை பாராட்டி பேசி உள்ளார். இதுகுறித்து பேசிய ரிக்கி பாண்டிங் “எனக்கு இந்திய கிரிக்கெட் அணியில் மூன்று இளம் வீரர்களை மிகவும் பிடித்துள்ளது.

ருதுராஜ் கெய்வாட் ஐபிஎல் போட்டிகளில் தன்னுடைய சிறப்பான ஆட்டத்தை வெளிப்படுத்தியிருந்தார். ஐபிஎல் போட்டிகளில் இருந்து அவரை நான் பார்த்துக் கொண்டுதான் இருக்கிறேன். அவருடைய பேட்டிங் என்னை வெகுவாக ஈர்த்துள்ளது. தற்போது, ஒரு போட்டியில் அவர் கேப்டனாக பொறுப்பேற்றுள்ளார். அந்த போட்டியில் அவர் அருமையான ஆட்டத்தை வெளிப்படுத்துவார் என நான் எதிர்பார்க்கிறேன்.

அடுத்ததாக, ஜெய்ஸ்வால் பற்றி நான் சொல்லி தான் தெரிய வேண்டுமா என்ன, அவருடைய ஆட்டத்தை பார்த்து உலகமே பிரமித்து விட்டது. அவருடைய ஆட்டமும் என்னை ஐபிஎல்-ல் முரள வைத்தது. அவர் திறமையான இளம் கிரிக்கெட் வீரர். நடந்து முடிந்த டெஸ்ட் கிரிக்கெட் போட்டியிலும் அவருடைய அபாரமான ஆட்டம் என்னை மிகவும் விரும்ப வைத்தது. ஐபிஎல் போட்டிகளில் விளையாடி ஒரே இரவில்  ஜெய்ஸ்வால் மிகவும் பிரபலமாகிவிட்டார்.

சப்ராஸ் கான் எனக்கு மிகவும் பிடித்த வீரர். அவரும் ஒரு நல்ல கிரிக்கெட் வீரர் தான், அவருக்கு வாய்ப்புகள் கொடுக்கப்படவில்லை என்பதால் அவருடைய ஆட்டம் இன்னும் வெளியே தெரியாமல் இருக்கிறது. அவருக்கான வாய்ப்பு வரும்போது அவருடைய ஆட்டத்தை பார்த்து நீங்களே பிரமிப்பீர்கள். அந்த நம்பிக்கை எனக்கு இருக்கிறது என ரிக்கி பாண்டிங் மூன்று இந்திய கிரிக்கெட் வீரர்களையும் புகழ்ந்து பேசி உள்ளார். மேலும் சப்ராஸ் கான் ஒரு காலகட்டத்தில் ஐபிஎல் போட்டிகளில் ஆர்சிபி அணிக்காக விளையாடும் போது சிறப்பான ஆட்டத்தை வெளிப்படுத்தினார் என்பது குறிப்பிடத்தக்கது.