உலக டெஸ்ட் சாம்பியன்ஷிப் தொடரை ஒட்டி இந்திய கிரிக்கெட் அணி அடுத்தடுத்து டெஸ்ட் தொடர்களில் விளையாட உள்ளது. இடையில் 43 நாட்கள் வரை வீரர்களுக்கு ஓய்வு கிடைக்கும் என்ற போதிலும், இந்த ஆண்டு இறுதிக்குள் இந்திய அணி கிட்டத்தட்ட ஒன்பது டெஸ்ட் போட்டிகளில் விளையாட இருக்கிறது.
இதில் வங்காளதேசம் அணிக்கு எதிராக இரண்டு போட்டிகள், ஆஸ்திரேலியாவுக்கு எதிராக ஐந்து போட்டிகள் கொண்ட டெஸ்ட் தொடர் உள்ளிட்டவை அடங்கும். இதன் மூலம் கிட்டத்தட்ட 33 ஆண்டுகளுக்கு பிறகு இந்தியா மற்றும் ஆஸ்திரேலியா அணிகள் ஐந்து போட்டிகள் கொண்ட டெஸ்ட் தொடரில் விளையாட உள்ளன. முன்னதாக 1991-92 காலக்கட்டத்தில் இந்திய – ஆஸ்திரேலியா இடையே ஐந்து போட்டிகள் கொண்ட டெஸ்ட் தொடர் நடைபெற்றது.
அதன்பிறகு, இடைப்பட்ட ஆண்டுகளில் இரு அணிகளும், இரண்டு போட்டிகள், மூன்று போட்டிகள் மற்றும் நான்கு போட்டிகள் கொண்ட டெஸ்ட் தொடரில் விளையாடி உள்ளன. இந்த டெஸ்ட் தொடர் உலக கிரிக்கெட்டில் மிகவும் பிரபலமான ஒன்றாகும். பார்டர் கவாஸ்கர் கோப்பை தொடர் என்று இந்த தொடர் அழைக்கப்படுகிறது. 2017 ஆம் ஆண்டில் இருந்தே பார்டர் கவாஸ்கர் கோப்பையை இந்திய அணி தக்கவைத்துக் கொண்டு வருகிறது.
2019 ஆம் ஆண்டில் நடைபெற்ற பார்டர் கவாஸ்கர் தொடரில் இந்திய அணி 2-1 என்ற கணக்கில் வெற்றி பெற்றது. 2020-21 காலக்கட்டத்தில் இந்திய அணி 2-1 என்ற கணக்கில் வெற்றி பெற்றது. இந்த தொடர் கிரிக்கெட் ரசிகர்கள் மத்தியில் தனி கவனம் பெற்றது. இந்த நிலையில், இந்த ஆண்டு இறுதியில் நடைபெறும் பார்டர் கவாஸ்கர் கோப்பை தொடரில் நிலைமை மாறும் என்று முன்னாள் ஆஸ்திரேலிய அணி வீரர் ரிக்கி பாண்டிங் தெரிவித்துள்ளார்.
“இந்த தொடர் அதிக போட்டி நிறைந்த ஒன்றாக இருக்கப் போகிறது. இந்த முறை ஆஸ்திரேலியாவில் இந்தியாவுக்கு எதிராக ஆஸ்திரேலியா அணி திறமையை நிரூபிக்கும் என்று நினைக்கிறேன். தற்போது மீண்டும் ஐந்து போட்டிகள் கொண்ட டெஸ்ட் தொடர் நடைபெற உள்ளது. இது தான் இந்த தொடரில் மிகமுக்கியமான விஷயம் ஆகும். இது அனைவரிடமும் சுவாரஸ்யத்தை ஏற்படுத்தி இருக்கிறது.”
“நிச்சயம் நான் ஆஸ்திரேலிய வெற்றிக்காகவே ஆலோசனை வழங்குவேன். எப்போதும் ஆஸ்திரேலியாவுக்கு எதிராக செயல்பட மாட்டேன். இந்த தொடரில் போட்டிகள் சமனில் முடியலாம், மோசமான வானிலை ஏற்படலாம். எனினும், ஆஸ்திரேலியா இந்த தொடரை 3-1 என்ற கணக்கில் வெற்றி பெற்று அசத்தும்,” என்று ரிக்கி பாண்டிங் தெரிவித்தார்.
தமிழக அமைச்சரவையில் மாற்றம் இருக்கும் என்ற செய்தி கடந்த சில நாட்களாகவே தமிழக அரசியல் வட்டாரத்தில் வலம் வந்து கொண்டிருந்தது.…
இந்திய வீரர் ஹர்திக் பாண்டியா சிவப்பு பந்துடன் பயிற்சியில் ஈடுபடும் காட்சிகள் அடங்கிய வீடியோ சமூக வலைதளங்களில் வைரல் ஆகி…
கன்னியாகுமரி மாவட்டம் மணவாளக்குறிச்சியில் செயல்பட்டு வரும் மத்திய அரசுக்கு சொந்தமான இந்திய அருமணல் ஆலைக்கு தேவையான அணுக்கனிம மூலப்பொருட்களை வழங்கும்…
இந்தியாவில் சுற்றுப் பயணத்தை மேற்கொண்டுள்ளது வங்கதேச கிரிக்கெட் அணி. இரண்டு டெஸ்ட் போட்டிகள் மற்றும் மூன்று இருபது ஓவர்கள் போட்டி…
தமிழகத்தில் கடந்த சில நட்களாகவே வெயில் வாட்டி வதைத்து வருகிறது. ஏப்ரல், மே மாதங்ளில் அடிக்கும் வெயிலுக்கு இணையான அளவும்,…
இந்தியாவில் சுற்றுப் பயணம் மேற்கொண்டுள்ள வங்கதேசம் அணி இரண்டு போட்டிகள் கொண்ட டெஸ்ட் போட்டியில் விளையாடி வருகிறது. முதல் போட்டி…