வெளுக்க வேண்டும் என முன்னாடியே முடிவு பண்ணிட்டேன்! சஞ்சு சாம்சன் பேச்சு!

வெஸ்ட் இண்டீஸ் அணிக்கு எதிராக நேற்று நடைபெற 3-வது ஒரு நாள் கிரிக்கெட் போட்டியில் இந்திய கிரிக்கெட் அணி 200 ரன்கள் வித்தியாசத்தில் வெற்றிபெற்றது. இதன் மூலம் இந்த ஒரு நாள் தொடரை 2-1 என்ற அடிப்படையில் கைப்பற்றி அசத்தியது. அந்த போட்டியில் இந்திய வீரர்கள் பலரும் அருமையாக விளையாடினார்கள் என்றே கூறலாம். இதுவே இந்திய அணியின் வெற்றிக்கு வழிவகுத்தது.

இந்த நிலையில் இந்த போட்டியில் அதிரடியாக விளையாடிய சஞ்சு சாம்சன்  அரைசதம் விளாசி இருந்தார். இதனையடுத்து, இந்த போட்டியில் இந்திய கிரிக்கெட் அணி வெற்றி பெற்ற பிறகு பேசிய சஞ்சு சாம்சன் நான் முதலிலேயே பேட்டிங் செய்ய வருவதற்கு முன்பே இந்த போட்டியில் நாம் கண்டிப்பாக அதிரடியாக விளையாடி ரன்களை குவிக்க வேண்டும் என்ற மனநிலையில் தான் வந்தேன் அதற்காக தான் வலைப்பயிற்சியில்  இருக்கும் போது மிகவும் கடினமாக பயிற்சி எடுத்தேன்.

மைதானம் சற்று ஈரப்பதமாக இருந்த காரணத்தினால் முதலில் எனக்கு பேட்டிங் செய்ய சரியாக வரவில்லை பிறகு பிட்ச் கொஞ்சம் காய்ந்த பிறகு என்னுடைய பேட்டிற்கு பந்து  நன்றாக வந்தது . முதலில் பந்தை கணிக்க கொஞ்சம் கடினமாக தான் இருந்தது. பிறகு நேரம் போக போக எனக்கு விளையாட சற்று சுலபகமாக இருந்தது.

பிறகு நான் இறங்கி இறங்கி அடித்து ஆட வேண்டும் என முடிவு செய்தேன்.  அதனையும் மைதானத்தில் செய்தேன் எனக்கு நல்ல பலன் கிடைத்தது . இந்திய அணி இந்த போட்டியில் வெற்றி பெற்றுள்ளது எனக்கு மிகவும் மகிழ்ச்சியாக இருக்கிறது’ இப்படி ஒரு பெரிய போட்டியில் வெற்றி பெற்றதில் நானும் அரை சதம் அடித்திருக்கிறேன் என்பது மிகவும் மகிழ்ச்சியான ஒன்று” என மிகவும் நெகிழ்ச்சியுடன் சஞ்சு சாம்சன் தெரிவித்துள்ளார்.