சட்டப்படிப்பு படித்தவர்களுக்கு வேலைவாய்ப்பு..! ஹரியானா பப்ளிக் சர்வீஸ் கமிஷன் வெளியிட்ட அசத்தல் அறிவிப்பு..!

ஹரியானா பப்ளிக் சர்வீஸ் கமிஷன் (HPSC) காலியாக உள்ள உதவி மாவட்ட வழக்கறிஞர் பதவியை நிரப்புவதற்கான அதிகாரபூர்வ அறிவிப்பை வெளியிட்டுள்ளது. ஆர்வமும் தகுதியும் உள்ள விண்ணப்பதாரர்கள் HPSC உதவி மாவட்ட வழக்கறிஞர் காலியிடத்திற்கு ஆன்லைனில் விண்ணப்பிக்கலாம்.

விண்ணப்பிப்பதற்கு முன், வேட்பாளர் இங்கே கொடுக்கப்பட்டுள்ள தகவல்களையும், ஹரியானா பப்ளிக் சர்வீஸ் கமிஷன் (HPSC) வழங்கிய உதவி மாவட்ட வழக்கறிஞர் பதவிக்கு ஆட்சேர்ப்புக்கான Notification அதிகாரப்பூர்வ அறிவிப்பையும் படிக்க வேண்டும்.

காலி பணியிடங்கள்: 

உதவி மாவட்ட வழக்கறிஞர் பதவிக்கு வெளியிடப்பட்ட அறிவிப்பின்படி, 112 இடங்கள் காலியாக உள்ளன. எனவே, தகுதி மற்றும் ஆர்வமுள்ளவர்கள் இதற்கு விண்ணப்பிக்கலாம்.

பதவிக்கான தகுதிகள்:

உதவி மாவட்ட வழக்கறிஞர் பதவிக்கு விண்ணப்பிப்பவர்,

• அங்கீகரிக்கப்பட்ட பல்கலைக்கழகத்தில் சட்ட இளங்கலை (தொழில்முறை) பட்டம் பெற்றிருக்க வேண்டும்.
• பார் கவுன்சிலில் வழக்கறிஞராகப் பதிவு செய்திருக்க வேண்டும்.
• மெட்ரிக் அல்லது உயர்கல்வி பாடங்களில் ஒன்றாக ஹிந்தி அல்லது சமஸ்கிருதம் படித்திருக்க வேண்டும்.

விண்ணப்பதாரரின் வயது:

உதவி மாவட்ட வழக்கறிஞர் பதவிக்கு விண்ணப்பிப்பவரின் அதிகபட்ச வயது 42 ஆகவும், குறைந்தபட்ச வயது 21 ஆகவும் இருக்க வேண்டும். வயது தளர்வு குறித்த தகவல்களுக்கு HPSC -இன் https://hpsc.gov.in/en-us/ என்ற அதிகாரப்பூர்வ இணையதளத்தை அணுகலாம்.

தேர்வு செயல்முறை:

உதவி மாவட்ட வழக்கறிஞர் பதவிக்கான தேர்வுகள் 3 கட்டமாக நடைபெறும். முதல்கட்டமாக எழுத்துத் தேர்வு, இரண்டாம் கட்டமாக ஆவண சரிபார்ப்பு மற்றும் மூன்றாம் கட்டமாக மருத்துவத்தேர்வு என நடைபெறும்.

எப்படி விண்ணப்பிப்பது.?

• உதவி மாவட்ட வழக்கறிஞர் பதவிக்கு விண்ணப்பிக்கும் விண்ணப்பதாரர்கள், Online Application என்ற அதிகாரப்பூர்வ இணையதளத்தில் நுழைய வேண்டும்.
• விண்ணப்பப் படிவத்தைப் நிரப்புவதற்கு முன் விண்ணப்பதாரர்கள் Notification அறிவிப்பைப் படிக்கவும்.
• பிறகு விண்ணப்பப் படிவத்தில் கேட்டகப்பட்டுள்ள கல்வித் தகுதி, வயது வரம்பு என அனைத்து அத்தியாவசியத் தகுதிகளையும் பூர்த்தி செய்ய வேண்டும்.
• பணிக்கு தேவையான தகுதி, அடையாள சான்று, முகவரி விவரங்கள், அடிப்படை விவரங்கள் என அனைத்து ஆவணங்களையும் சரிபார்க்கவும்.
• இறுதியாக விண்ணப்பதாரர் பதிவுக் கட்டணம் செலுத்திவிட்டு, சமர்ப்பிக்கப்பட்ட படிவத்தை பிரிண்ட் அவுட் எடுத்து வைத்துக்கொள்ளவும்.

சம்பள விவரம்:

உதவி மாவட்ட வழக்கறிஞர் பதவிக்கு தேர்ந்தெடுக்கப்படும் விண்ணப்பதாரர்களுக்கு மாதம் ரூ.53100 முதல் ரூ.1,67,800 வரை ஊதியமாக வழங்கப்படும்.