பத்தாம் வகுப்பா? மாதம் ரூ.23 ஆயிரம் சம்பளத்தில் வேலை… இன்டர்வியூ போறீங்களா..?!

இப்போதெல்லாம் பத்தாம் வகுப்பா என யாரும் அச்சப்படத் தேவையில்லை. மத்திய, மாநில அரசுகள் இந்தக் கல்வித்தகுதி இருந்தால் போதும்.

நாங்க வேலை தருகிறோம் என போட்டிப் போட்டுக் கொண்டு தந்த வண்ணம் உள்ளன. அந்த வகையில் தற்காலிக ஓட்டுநர் பதவிக்கான ஆட்சேர்ப்பு அறிவிப்பு ஒன்றை மத்திய அரசு நிறுவனம் வெளியிட்டுள்ளது.

காட்டன் கார்ப்பரேஷன் ஆப் இந்தியா லிமிடெட் என்ற இந்த நிறுவத்திற்குத் தான் இந்தப் பணியிடம் தேவைப்படுகிறது. ஒரே ஒரு காலியிடம் தான் உள்ளது. இதுக்குத் தான் இவ்ளோ பில்டப்பான்னு சொல்லாதீங்க. அந்த ஒருவர் நீங்களாகக் கூட இருக்கலாம் அல்லவா?

விண்ணப்பதாரர்கள் செய்ய வேண்டியது ஒண்ணே ஒண்ணு தான். கீழ்க்கண்ட முகவரிக்கு உங்கள் கல்வி மற்றும் அனுபவ சான்றிதழுடன் 9.5.2023ம் தேதி இன்டர்வியூவில் கலந்து கொண்டால் போதும். உங்கள் வேலை உங்கள் கைகளில் உள்ளது.

கல்வித்தகுதி

அங்கீகரிக்கப்பட்ட கல்வி நிறுவனத்தில் பத்தாம் வகுப்பு படித்திருக்க வேண்டும்.

சம்பளம்

தேர்வு செய்யப்படுபவர்களுக்கு மாதம் ரூ.23 ஆயிரம் சம்பளம்.

வயதுத்தகுதி:

31.03.2023ம் தேதியின்படி அதிகபட்சமாக 35 வயது வரை இருக்கலாம். அரசுவிதிகளின்படி வயதுத்தளர்வு உண்டு.

தேர்வு முறை

டெஸ்ட், டிரைவிங் லைசென்ஸ், நேர்காணல் அடிப்படையில் விண்ணப்பதாரர்கள் தேர்வு செய்யப்படுவர்.

விண்ணப்பிக்கும் முறை

ஆர்வமும், தகுதியும் உள்ளவர்கள் பயோ டேட்டா, தேவையான சுய சான்றொப்பம் இட்ட ஆவணங்கள் வைத்துக் கொள்ள வேண்டும். இவர்கள் கீழ்க்கண்ட முகவரிக்கு மே.9ம் தேதியன்று காலை 11 மணி முதல் பிற்பகல் 3 மணி வரை நடைபெறும் நேர்காணலில் கலந்து கொள்ள வேண்டும்.

நேர்காணல் முகவரி

The Cotton Corporation of India Ltd.,
Industrial Estate, Mettugadda,
Mahabubnagar-509001