Camlin நிறுவனர் சுபாஷ் தண்டேகர் காலமானார்… பிரபலங்கள் அஞ்சலி…!

கேமலின் நிறுவனத்தின் ஓனர் சுபாஷ் தண்டேகர் காலமானார்.

கேம்ப்ளிங் குரூப் ஆஃப் இண்டஸ்ட்ரீஸ் நிறுவனத்தின் நிறுவனரான சுபாஷ் தண்டேகர் உடல் நலக்குறைவால் நேற்று இரவு காலமானார். கடந்த சில நாட்களாகவே உடல் நலக்குறைவால் பாதிக்கப்பட்டு வந்த இவர் மும்பையில் ஹிந்துஜா மருத்துவமனையில் சிகிச்சை பெற்று வந்தார். நேற்று சிகிச்சை பலனின்றி அவர் உயிரிழந்தார்.

இவரின் இறுதி சடங்குகள் தாதரியில் உள்ள சிவாஜி பூங்கா மயானத்தில் நடைபெற்று வருகின்றது. இதில் அவரின் குடும்பத்தினர் மற்றும் கேமலின் நிறுவன ஊழியர்கள் பலரும் கலந்து கொண்டு அஞ்சலி செலுத்தி வருகிறார்கள். மேலும் சுபாஷ் தண்டேகரின் மறைவிற்கு மகாராஷ்டிரா துணை முதல்வர் தேவேந்திர பட்னாவிஸ் அஞ்சலி செலுத்தினார்.

1946 ஆம் ஆண்டு தனியார் நிறுவனமாக பதிவு செய்யப்பட்டு பிறகு 1998 இல் பங்கு சந்தையில் பட்டியலிட்டு பொதுத்துறை நிறுவனமாக மாறியது. கேம்ப்ளின் நிறுவனம் 93 ஆண்டுகள் பழமை வாய்ந்தது. ஸ்டேஷனரி தயாரிப்பில் இந்த நிறுவனம்தான் முன்னணி வகுக்கின்றது. மும்பையை தலைமையிடமாகக் கொண்டு இயங்கும் இந்த நிறுவனம் 2011 ஆம் ஆண்டு முதல் ஜப்பான் நாட்டின் நிறுவனத்துடன் இணைந்து இயங்கி வருகின்றது. இந்த நிறுவனத்தின் 51% பங்குகளை ஜப்பான் நாட்டின் கோகுயோ நிறுவனம் வைத்திருப்பது குறிப்பிடத்தக்கது.