அதிமுக முன்னாள் தலைவர் தலைமறைவு… எம்ஆர் விஜயபாஸ்கர் வீட்டில் சிபிசிஐடி போலீசார் அதிரடி சோதனை…!

எம் ஆர் விஜயபாஸ்கருக்கு சொந்தமான இடங்களில் சிபிசிஐடி போலீசார் தொடர்ந்து சோதனை நடத்தி வருகிறார்கள்.

கரூர் மாவட்டம் குப்பிச்சிபாளையத்தை சேர்ந்த பிரகாஷ் என்பவருக்கு சொந்தமான 100 கோடி மதிப்பிலான நிலத்தை அதிமுகவின் முன்னாள் அமைச்சர் எம் ஆர் விஜயபாஸ்கர் போலி பாத்திரங்களை தயார் செய்து அதனை பதிவு செய்து கொண்டது மட்டுமில்லாமல் அவருக்கு கொலை மிரட்டல் விடுத்துள்ளார்.

இதையடுத்து பிரகாஷ் கரூர் காவல் நிலையத்தில் மற்றும் எஸ் பி அலுவலகத்தில் கொடுத்த புகாரின் பெயரில் போலீசார் வழக்கு பதிவு செய்து விசாரணை மேற்கொண்டு வருகிறார்கள். இந்த வழக்கு பின்னர் சிபிசிஐடிக்கு மாற்றப்பட்டது. இதன் காரணமாக எம் எஸ் விஜயபாஸ்கர் கரூர் முதன்மை அமர்வு நீதிமன்றத்தில் ஜாமின் கேட்டு மனு தாக்கல் செய்திருந்தார்.

இந்த மனுவை விசாரித்த நீதிபதி முன்ஜாமின் மனுவை தள்ளுபடி செய்தனர். இதையடுத்து எம் எஸ் விஜயபாஸ்கர் தலைமறைவாகிவிட்டார். இவரின் வீடு மற்றும் அலுவலகங்களில் சிபிசிஐடி போலீசார் தொடர்ந்து சோதனை நடத்தி வருகிறார்கள். விஜயபாஸ்கரின் வீடு நிறுவனங்கள் என பத்துக்கும் மேற்பட்ட இடங்களில் சோதனை நடைபெற்று வருகின்றது.

9 ஆய்வாளர்கள் இரண்டு டிஎஸ்பிக்கள் கொண்ட குழு தீவிரமாக சோதனையில் ஈடுபட்டு இருக்கின்றது. நில அபகரிப்பு வழக்கில் எம்ஆர் விஜயபாஸ்கர் தேடப்பட்டு வரும் நிலையில் அவருக்கு சொந்தமான இடங்களில் தொடர்ந்து சோதனை நடைபெற்று வருவது அதிமுகவினர் இடையே மிகப்பெரிய அதிர்ச்சியை ஏற்படுத்தியிருக்கின்றது. மேலும் எவ்வாறு விஜயபாஸ்கரின் மனைவி விஜயலட்சுமி இடமும் சிவிசிஐடி போலீசார் விசாரணை நடத்தி வருகிறார்கள்.