தமிழகத்தில் அடுத்த 3 மணி நேரத்தில்… இந்த 9 மாவட்டங்களுக்கு எச்சரிக்கை… வானிலை ஆய்வு மையம் தகவல்…!

தமிழகத்தில் அடுத்த 3 மணி நேரத்தில் பல மாவட்டங்களில் மழைக்கு வாய்ப்புள்ளதாக வானிலை ஆய்வு மையம் தகவல் தெரிவித்துள்ளது. இது தொடர்பாக சென்னை வானிலை ஆய்வு மையம் வெளியிட்டுள்ள அறிக்கையில் தெரிவித்துள்ளதாவது “மேற்கு திசை காற்றின் வேகமா மாறுபாடு காரணமாக தமிழகத்தில் ஒரு சில இடங்களிலும் புதுவை மற்றும் காரைக்கால் பகுதிகளில் லேசான முதல் மிதமான மழை பெய்யும் என கூறப்படுகின்றது.

தமிழகத்தில் ஒன்பது மாவட்டங்களில் அடுத்த மூன்று மணி நேரத்திற்கு மழைக்கு வாய்ப்பு இருக்கின்றது. அதன்படி திருவாரூர், தேனி, தென்காசி, திண்டுக்கல், கன்னியாகுமரி, திருநெல்வேலி, தூத்துக்குடி, கோயம்புத்தூர் மற்றும் நீலகிரி ஆகிய மாவட்டங்களில் அடுத்த 3 மணி நேரத்தில் கனமழை பெய்யும் என எச்சரித்துள்ளது.

சென்னையை பொருத்தவரை வானம் மேகமூட்டத்துடன் காணப்படும். ஒரு சில பகுதிகளில் இடியும் மின்னலுடன் கூடிய லேசானது முதல் மிதமானது வரை மழை பெய்ய வாய்ப்பு இருக்கின்றது” என்று தெரிவித்துள்ளது. சென்னையில் கடந்த சில நாட்களாக மாலைப்பொழுதில் மழை வெளுத்து வாங்கி வருகின்றது. இதனால் பல பகுதிகளில் தண்ணீர் தேங்கி இருக்கின்றது. அதுமட்டுமில்லாமல் மழையின் காரணமாக இரவு நேரங்களில் வாகன நெரிசலும் அதிகரித்து வருகின்றது.