இன்னைக்கு நைட்டு 10 மணிக்குள்ள… இந்த 13 மாவட்டத்தில் மாவட்டத்தில் மழை பெய்யும்…. சென்னை வானிலை ஆய்வு மையம்…!

இன்று இரவு 10 மணிக்குள் 13 மாவட்டங்களில் மழை பெய்ய வாய்ப்புள்ளதாக சென்னை வானிலை ஆய்வு மையம் தெரிவித்துள்ளது.

தமிழகத்தில் தொடர்ந்து பல பகுதிகளில் கடந்த சில நாட்களாக மழை பெய்து வருகின்றது. அந்த வகையில் இன்று இரவு 10 மணிக்குள் 13 மாவட்டங்களில் மழைக்கு வாய்ப்புள்ளதாக வானிலை ஆய்வு மையம் தெரிவித்துள்ளது. இது தொடர்பாக சென்னை வானிலை ஆய்வு மையம் வெளியிட்டுள்ள அறிக்கையில் தெரிவித்துள்ளதாவது:

“மேற்கு திசை காற்றின் வேக மாறுபாடு காரணமாக இன்று மற்றும் நாளை தமிழகத்தில் ஒரு சில இடங்களில் லேசானது முதல் மிதமான மழை பெய்யும். ஒன்பதாம் தேதி முதல் 13 ஆம் தேதி வரை தமிழகத்தில் ஒரு சில இடங்களிலும் புதுவை மற்றும் காரைக்கால் பகுதியில் மிதமான மழைக்கு வாய்ப்புள்ளது. மேலும் தமிழகத்தில் 13 மாவட்டங்களில் இன்று இரவு 10:00 மணி வரை மழைக்கு வாய்ப்பிருக்கின்றது.

அதன் படி நீலகிரி, கோவை, திருப்பூர், தேனி, திண்டுக்கல், தர்மபுரி, கிருஷ்ணகிரி, திருப்பத்தூர், சேலம், ஈரோடு, வேலூர், திருவள்ளூர் ஆகிய மாவட்டங்களில் மழை பெய்ய வாய்ப்புள்ளது. இன்று முதல் 11-ம் தேதி வரை மன்னார் வளைகுடா மற்றும் அதை ஒட்டிய தென் தமிழக கடலோர பகுதிகளில் மணிக்கு 35 கிலோ மீட்டர் முதல் 45 கிலோ மீட்டர் வரை சூறாவளி காற்று வீசும்” என அறிவித்துள்ளது