சென்னை சூப்பர் கிங்ஸ் அணி யார் யார தக்கவைக்கும்… ஹர்பஜன்சிங் சொன்ன கணிப்பு..!

சென்னை சூப்பர் கிங்ஸ் அணி எந்தெந்த வீரர்களை தக்க வைக்கும் என்று கிரிக்கெட் வீரர் ஹர்பஜன் சிங் தெரிவித்திருக்கின்றார்.

ஐபிஎல் மெகா ஏலம் விரைவில் தொடங்க இருக்கின்றது. ஒரு அணி 120 கோடி வரை செலவு செய்து வீரர்களை தக்க வைத்துக் கொள்ளலாம் என்று கூறப்பட்டுள்ளது. ஏலத்திற்கு முன்பாக ஒவ்வொரு அணியும் தங்களுக்கு தேவையான வீரர்களை தக்க வைத்து கொள்வதற்கான விதிமுறைகள் தெரிவிக்கப்பட்டுள்ளது.

இந்நிலையில் ஐபிஎல் மெகா ஏலத்திற்கு முன்பாக சென்னை சூப்பர் எந்தெந்த வீரர்களை தக்க வைக்கும் என்று ஹர்பஜன்சிங் கணித்துள்ளார். அதில் அவர் தெரிவித்திருந்ததாவது: “சென்னை சூப்பர் கிங்ஸ் அணி எம் எஸ் தோனி, கேப்டன் ருதுராஜ் கெய்க் வாட், ஜடேஜா, ரவீந்திரா, பதிரானா ஆகிய 5 வீரர்களை தக்க வைத்துக் கொள்ளும். ஐபிஎல் தொடரில் தோனி விளையாடுவாரா? என்பது உறுதியாக தெரியவில்லை.

அவர் விளையாடும் பட்சத்தில் அவரை முதல் வீரராக தக்க வைக்கும். அவருக்கு அடுத்தபடியாக கட்டாயம் ஜடேஜா மற்றும் ரவீந்தரா ஆகியோரை தக்கவைக்க வாய்ப்பு இருக்கின்றது. கேப்டனாக ருதுராஜ்  தக்க வைக்கப்படுவார். அவர் மிகச் சிறப்பாக பந்து வீசுவதால் அவர் சிஎஸ்கே அணி நிர்வாகத்தால் கட்டாயம் தக்கவைக்கப்படுவதற்கு வாய்ப்பு உள்ளது. அதனால் எனது பார்வையில் சென்னை சூப்பர் கிங்ஸ் அணியில் இந்த 5 வீரர்கள் தக்க வைக்கப்படுவார்கள் என்று நம்புகிறேன்” என ஹர்பஜன்சிங் தெரிவித்திருக்கின்றார்.