விக்கிரவாண்டி தொகுதி இடைத்தேர்தல்… திமுக வேட்பாளர் அபார வெற்றி…!

விக்கிரவாண்டி இடைத்தேர்தலில் திமுக சார்பாக போட்டியிட்ட அனியூர் சிவா வெற்றி பெற்றிருக்கின்றார்.

விழுப்புரம் மாவட்டம் விக்கிரபாண்டி சட்டமன்ற தொகுதியில் இடைத்தேர்தல் கடந்த பத்தாம் தேதி 276 வாக்குச்சாவடிகளில் நடைபெற்றது. இதில் திமுக சார்பாக அன்னியூர் சிவா, பாமக சார்பாக சி அன்புமணி, நாம் தமிழர் கட்சியின் சார்பாக டாக்டர் அபிநயா உள்ளிட்ட 29 பேர் தேர்தல் களத்தில் போட்டியிட்டார்கள், மொத்தம் ஒரு லட்சத்து 95 ஆயிரம் பேர் வாக்களித்தனர் 82.47 சதவீதம் வாக்குப்பதிவு பதிவாகி இருக்கின்றது,

அனைத்து வாக்குச்சாவடி மையங்களில் இருந்தும் வாக்குப்பதிவு இயந்திரங்கள் வாக்குப்பதிவு வாக்குப்பதிவு நடைபெற்ற அன்று வாக்கு எண்ணும் மையத்திற்கு கொண்டு செல்லப்பட்டது. அங்கு வைத்து பூட்டி சீல் வைக்கப்பட்டது. இன்று அதிகாலை ஆறு மணிக்கு வாக்கு எண்ணுவதற்கான பணிகள் தொடங்கியது.

காலை 7:30 மணியளவில் மின்னணு வாக்குப்பதிவு இயந்திரங்கள் வைக்கப்பட்டிருந்த பாதுகாப்பு அறையின் சீல் அகற்றப்பட்டு வாக்குச்சாவடி வாரியாக மின்னணு வாக்கு பதிவு எந்திரங்கள் வாக்கு எண்ணும் அறைக்கு கொண்டு செல்லப்பட்டது. காலை 8 மணிக்கு வாக்கு எண்ணிக்கை தொடங்கியது. இதைத் தொடர்ந்து மின்னணு வாக்குப்பதிவு எந்திரத்தில் பதிவான வாக்குகளை எண்ணும் பணி தொடங்கியது. 20 சுற்றுகளாக வாக்கிய எண்ணிக்கை நடைபெற்றது.

இந்நிலையில் 20 சுற்று வாக்குகள் முடிவடைந்த நிலையில் திமுக வேட்பாளர் அணியூர் சிவா ஒரு லட்சத்து 25 ஆயிரத்து 712 வாக்குகள் பெற்று வெற்றி பெற்றார். இடைத்தேர்தலில் விக்கிரவாண்டி தொகுதியில் திமுக வேட்பாளர் அனியூர் சிவா அபார வெற்றி பெற்று இருக்கின்றார். அவரை எதிர்த்து போட்டியிட்ட பாமக வேட்பாளர் 69 ஆயிரம் வாக்குகளை பெற்றிருக்கின்றார் என்பது குறிப்பிடத்தக்கது.