குவைத்தில் அடுக்குமாடி கட்டிடத்தில் பயங்கர தீ விபத்து – தமிழர்கள் உட்பட 40 பேர் பலி

தீ விபத்து என்பது எப்போதும் மிகவும் கொடுமையானது. அதுவும் குவைத் போன்ற தொலைநோக்கு திட்டத்துடன் செயல்படும் நாட்டில் தீ விபத்து என்பது பலருக்கும் அதிர்ச்சியை கொடுத்திருக்கிறது. இந்நிலையில்தான், குவைத்தில் ஒரு அடுக்கு மாடி கட்டிடட்த்தில் ஏற்பட்ட தீ விபத்தில் 40 பேர் பலியான சம்பவம் சோகத்தை ஏற்படுத்தி இருக்கிறது.

தெற்கு குவைத்தில் கேரளாவை சேர்ந்த தொழிலதிபர் ஆபிரஹாம் என்பவருக்கு சொந்தமக ஒரு அடுக்குமாடி கட்டிடம் இருக்கிறது. இதில், குவைத்துக்கு தமிழகம மற்றும் கேரளாவிலிருந்து வேலைக்கு போன பலரும் தங்கி இருக்கிறார்கள். இங்கு தங்கியபடி அவர்கள் குவைத்தில் வேலை செய்து வருகிறார்கள்.

இந்த கட்டிடத்தில்தான் இன்று தீ விபத்து ஏற்பட்டது. குவைத் நேரப்படி இன்று காலை 6 மணிக்கு தீ விபத்து ஏற்பட்டிருக்கிறது. உடனே தீயணைப்பு வீரர்களுக்கு தகவல் கொடுக்கப்பட்டது. அவர்கள் விரைந்து வந்து அடுக்குமாடி குடியிருப்பில் பரவிய தீயை அணைக்க முயன்றனர்.

ஆனாலும், இந்த கோர விபத்தில் தமிழர்கள் உட்பட 40க்கும் மேற்பட்டோர் உடல் கருகி உயிரிழந்திருப்பதாக செய்திகள் வெளியாகி அதிர்ச்சியை கொடுத்திருக்கிறது. இது முதல் கட்ட தகவல்தான் என்பதால் பலி எண்ணிக்கை மேலும் அதிகரிக்கலாம் என்கிற பீதியும் ஏற்பட்டிருக்கிறது.

இந்த விபத்தால் அந்த கட்டிடத்தில் தங்கியிருந்தவர்களின் குடும்பத்தினர் சோகத்தில் ஆழ்ந்துள்ளனர். இறந்துபோனது எத்தனை பேர் என்கிற தகவல் விரைவில் வெளியாகும் என எதிர்பார்க்கப்படுகிறது.