பானிபூரி பிரியர்களே.. உங்களுக்கு ஒரு ஷாக்கிங் நியூஸ்.. தமிழ்நாட்டில் பிறப்பிக்கப்பட்ட புதிய ஆணை…!

தமிழகத்தில் பானிபூரி கடைகளில் பச்சை நிற நிறமிகளை கலப்பதாக வந்த தகவலை தொடர்ந்து அனைத்து கடைகளிலும் சோதனை நடத்த உணவுத்துறை ஆணையர் உத்தரவிட்டுள்ளார் .

பானி பூரி என்றால் அனைவருக்கும் பிடிக்கும். அதை பிடிக்காதவர்கள் யாருமே இருக்க மாட்டார்கள். சிறுவர்கள் முதல் பெரியவர்கள் வரை அனைவரும் விரும்பி சாப்பிடும் உணவாக பானி பூரி இருந்து வருகின்றது. இப்படி அனைவரும் ருசியது சாப்பிடும் பானிபூரி கடைகளில் சோதனை நடத்த உணவுத்துறை ஆணையர் உத்தரவிட்டுள்ளார். இது பொதுமக்கள் இடையே மிக பெரிய அதிர்ச்சியை ஏற்படுத்தியுள்ளது.

இது தொடர்பாக உணவு பாதுகாப்பு துறை அதிகாரி சதீஷ்குமார் கூறியதாவது “கர்நாடகாவில் பானி பூரி சோதனை செய்யப்பட்டு அதில் புற்றுநோய்க்கான காரணிகள் இருப்பது உறுதியாக இருக்கின்றது. இதனால் தமிழகத்திலும் பானி பூரி கடைகளில் ஆய்வு செய்ய உத்தரவிடப்பட்டுள்ளது. சென்னையில் ஆயிரக்கணக்கான கடைகள் உள்ளன. இது தொடர்பாக அதிகாரிகளுக்கு தனித்தனியாக உத்தரவிட்டுள்ளேன்.

அவர்கள் அனைவரும் மாதிரிகளை சேகரித்து சோதனை செய்ய அறிவுறுத்தப்பட்டுள்ளது. அவர்கள் வைத்திருக்கும் பானி பூரி பாதுகாப்பற்றது என தெரிய வந்தால் உடனே கடைகளை மூட உத்தரவிடப்படும் . அது மட்டும் இல்லாமல் தமிழ்நாட்டில் வட மாநில இளைஞர்கள் பெரும்பாலானோர் பானி பூரி விற்பனை செய்கிறார்கள். அவர்கள் சுகாதாரமற்ற முறையில் விற்பனை செய்தால் அவர்கள் மீது நடவடிக்கை எடுக்கப்படும் .

மேலும் முதல் நாளில் தயாரிக்கப்படும் பாணியை ஒருநாள் மட்டுமே வைத்திருக்க வேண்டும். இதனை வட மாநில இளைஞர்கள் பலரும் பின்பற்றுவது கிடையாது. இந்த பானி பச்சை கலரில் இருக்கும். அதற்காக நிறத்தை ஏற்படுத்தும் நிறமிகளை பயன்படுத்துவதாக கூறப்படுகின்றது. இதெல்லாம் ஆய்வு முடிவில் தெரிய வந்தால் அந்த கடைகள் மூடி சீல் வைக்கப்படும்” என உத்தரவிட்டுள்ளார்