எதிர்பார்த்தது தானே!…தங்கம் விலை விவரம்…

தங்கத்தின் விலையை அதிகமாக உற்றுப் பார்க்க வேண்டிய நேரம் வந்து விட்டது போல தான் காணப்படுகிறது நிலைமை. படிப்படியான உயர்வினை சந்தித்து வந்த தங்கம் கடந்த சில நாட்களாகவே அறுபதாயிரம் என்ற புதிய உச்சத்தை தொட்டு விடுமோ? என பயப்பட வைத்து வருகிறது நகைப் பிரியர்களை.

நேற்று சென்னையில் விற்கபட்ட இருபத்தி இரண்டு கேரட் ஆபரணத் தங்கத்தின் விலை கிராமிற்கு நாற்பத்தி ஐந்து ரூபாய் (ரூ.45/-) குறைந்தது. இது ஆபரணப் பிரியர்களுக்கு ஆறுதல் தரக்கூடிய விஷயமாக மாறியிருந்தது.

கிராம் ஒன்றின் விலை நேற்று எழாயிரத்து முன்னூற்றி பதினைந்தாகவும் (ரூ.7,315/-), சவரன் ஒன்றின் விலை ஐம்பத்தி எட்டாயிரத்து ஐனூற்றி இருபது (ரூ.58,520/-) ரூபாயாகவும் இருந்து வந்தது. நேற்று போல இன்றும் விலை குறைந்து தீபாவளி ஷ்பெஷலாக தங்கம் விலை மாறலாம் என நினைக்கப்பட்ட நேரத்தில் இன்று அதிரடியான உயர்வை சந்தித்துள்ளது தங்கத்தின் விலை.

கிராம் ஒன்றின் விலை நேற்றையை விலையை விட கிராமிற்கு அறுபது ரூபாய் (ரூ.60/-) அதிகரித்தது. சவரன் ஒன்றின் விலை நானூற்றி என்பது ரூபாய் (ரூ.480/-) அதிகரித்துள்ளது.

இதனால், இன்றைய சென்னை இருபத்தி இரண்டு கேரட் தங்கத்தின் ஒரு கிராம் விலை ஏழாயிரத்து முன்னூற்றி எழுபத்தி ஐந்து ரூபாயாகவும் (ரூ.7,375/-) ஒரு சவரனின் விலை ஐம்பத்தி ஒன்பதாயிரம் ரூபாயாகவும் (ரூ.59,000/-) உள்ளது.

தங்கத்தின் விலை உயர்வினை கண்டு சோகத்தை கிளப்பிவரும் நேரத்தில், நேற்று உயராமல் இருந்த வெள்ளியின் விலை இன்று கிராமிற்கு ஒரு ரூபாயும் (ரு.1/-), கிலோ ஒன்றிற்கு ஆயிரம் ரூபாயும் (ரூ.1,000/-) உயர்ந்துள்ளது. ஒரு கிராம் வெள்ளியின் விலை இன்று நூற்றி எட்டு ரூபாயாகவும் (ரூ.108/-), ஒரு கிலோ வெள்ளி ஒரு லட்சத்து எட்டு ரூபாயாகவும் (ரூ.1,08,000/-) நிர்ணயமாகி உள்ளது இன்று.