ஆறு நாடுகள் மோதும் ஆசிய கோப்பை கிரிக்கெட் தொடருக்கான 2023 அட்டவணை நேற்று வெளியிடப்பட்டது. இந்திய அணி தனது முதல் போட்டியில் பாகிஸ்தானை எதிர்கொள்ள இருக்கிறது. இந்த போட்டி இலங்கையின் கண்டி மாவட்டத்தில் நடைபெற இருக்கிறது. இந்தியா பாகிஸ்தான் அணிகள் மோதும் போட்டி செப்டம்பர் 2 ஆம் தேதி நடைபெற இருக்கிறது.
இந்த போட்டி மட்டுமின்றி ஆசிய கோப்பையிலேயே இந்தியா மற்றும் பாகிஸ்தான் அணிகள் மூன்று முறை மோதுவதற்கான வாய்ப்புகள் உருவாகி இருக்கிறது. இரண்டு பிரிவுகளிலும் முதலிடத்தில் உள்ள இந்தியா மற்றும் பாகிஸ்தான் அணிகள் முதல் ஆட்டத்தில் எதிர்கொள்ள இருக்கின்றன. இதைத் தொடர்ந்து இரண்டு பிரிவுகளில் முதல் இரு இடங்களை பிடிக்கும் அணிகள் சூப்பர் 4 சுற்றுக்கு முன்னேற முடியும்.
ஆசிய கோப்பையின் சூப்பர் 4 சுற்றில் அனைத்து அணிகளும், மற்ற அணிகளுடன் ஒருமுறை விளையாட வேண்டும். ஆசிய கிரிக்கெட் கவுன்சில் தலைவர் ஜெய் ஷா வெளியிட்ட அட்டவணை படி, பாகிஸ்தான் அணி ஏ1 ஆகவும், இந்திய அணி ஏ2 ஆகவும் இடம்பெற்றுள்ளன. அந்த வகையில் இரு அணிகளும் அடுத்த சுற்றுக்கு முன்னேறும் பட்சத்தில், இந்தியா மற்றும் பாகிஸ்தான் அணிகள் செப்டம்பர் 10 ஆம் தேதி நடைபெறும் சூப்பர் 4 சுற்று போட்டியில் விளையாட முடியும். இந்த போட்டி கொலம்போவில் நடைபெற இருக்கிறது.
சூப்ர் 4 சுற்றில் முதல் இரு இடங்களை பிடிக்கும் அணிகள் போட்டியின் இறுதி சுற்றுக்கு முன்னேற முடியும். அந்த வகையில், இந்தியா மற்றும் பாகிஸ்தான் அணிகள் இறுதி சுற்றுக்கு முன்னேறினால், இறுதி போட்டியில் இரு அணிகளும் ஒரே தொடரில், மிக குறுகிய காலக்கட்டத்தில் மூன்றாவது முறையாக விளையாட முடியும்.
ஆசிய கோப்பை தொடரின் இறுதி போட்டி கொலம்போவில் உள்ள பிரேமதாசா ஸ்டேடியத்தில் செப்டம்பர் 17 ஆம் தேதி நடைபெற இருக்கிறது. 2023 ஆசிய கோப்பை கிரிக்கெட் தொடர் ஆகஸ்ட் 30 ஆம் தேதி துவங்க இருக்கிறது. 50 ஓவர்கள் கொண்ட உலக கோப்பை தொடருக்கு முன், இந்த தொடர் நடைபெற இருப்பது குறிப்பிடத்தக்கது.
பாகிஸ்தானை தொடர்ந்து செப்டம்பர் 4 ஆம் தேதி இந்திய அணி நேபால் அணியை எதிர்கொள்ள இருக்கிறது. இந்த போட்டி கண்டியில் நடைபெற இருக்கிறது.
பிரதமர் இன்டர்ன்ஷிப் திட்டம் முதற்கட்ட செயல்பாடுகள் துவங்கப்பட்டுள்ளன. இந்த திட்டத்தின் கீழ் 2024-25 காலக்கட்டத்தில் 1.25 லட்சம் பேருக்கு இன்டர்ன்ஷிப்…
இந்தியாவில் இருந்து வெளநாடுகளுக்கு பயணம் செய்ய பாஸ்போர்ட் மிக முக்கிய ஆவணமாக உள்ளது. வெளியுறவு அமைச்சகத்தின் கீழ் நாடு முழுக்க…
மகளிர் டி20 உலகக் கோப்பை கிரிக்கெட் தொடர் துவக்கம் முதலே பரபர சம்பவங்களை காணத் துவங்கியது. இந்தத் தொடரில் இந்திய…
மகளிர் டி20 கிரிக்கெட் தொடரில் நேற்று மாலை நடைபெற்ற போட்டியில் வெஸ்ட் இண்டீஸ் மற்றும் தென் ஆப்பிரிக்கா அணிகள் மோதின்.…
இந்தியாவில் சுற்றுப் பயணம் மேற்கொண்டுள்ள வங்கதேசம் அணி இரண்டு போட்டிகள் கொண்ட டெஸ்ட் தொடரைத் தொடர்ந்து டி20 தொடரில் விளையாடுகிறது.…
மகளிர் டி20 உலகக் கோப்பை கிரிக்கெட் தொடர் ஐக்கிய அரபு அமீரகத்தின் ஷார்ஜா மற்றும் துபாயில் நடைபெற்று வருகிறது. இந்தத்…