உலக கோப்பையை எடுத்து வர முடியாமல் திணறும் இந்திய அணி… என்ன நடக்கிறது பார்படாஸில்?

இந்திய அணி உலக கோப்பையை வென்றாலும் பார்படாஸில் கடுமையான புயல் நெருங்கி வருவதால் அங்கிருந்து இந்திய வீரர்கள் இந்தியா திரும்ப முடியாத நிலை உருவாகி இருப்பதாக தகவல்கள் வெளியாகி இருக்கிறது. ஒரு மாதமாக டி20 உலக கோப்பை போட்டிகள் அமெரிக்கா மற்றும் வெஸ்ட் இண்டீஸில் நடந்து வந்தது. 

கடந்த சனிக்கிழமை பார்படாஸில் உலக கோப்பை பைனல் நடந்தது. இதில் தென்னாப்பிரிக்காவை வீழ்த்தி இந்தியா கோப்பையை வென்றது. இந்திய ரசிகர்களுக்கு மிக பெரிய சந்தோஷமான நிகழ்வாக இது அமைந்தது. 2013ம் ஆண்டிற்கு பிறகு இந்தியா வாங்கும் முதல் ஐசிசி கோப்பை இதுதான்.

பார்படாஸில் போட்டி முடிந்து 3 நாள் சென்ற பின்னரும், இந்திய வீரர்கள் தாயகம் திரும்பவில்லை. அங்கு ஏற்பட்ட பெரில் புயல் அபாய கட்டத்தினை நெருங்கி இருக்கிறது. இதனால் பார்படாஸ் விமான நிலையம் மூடப்பட்டு இருக்கிறது. அதுமட்டுமல்லாமல் பெரில் புயல் இந்திய வீரர்கள் தங்கி இருக்கும் ஹோட்டலுக்கு அருகில் மையம் கொண்டுள்ளதால் வீரர்கள் வெளியில் வரக்கூடாது என அறிவுறுத்தப்பட்டுள்ளனர். 

தற்போது புயல் தாக்கம் குறைய தொடங்கி உள்ளதால், விரைவில் விமான நிலையம் திறக்கப்படும் எனவும் கூறப்பட்டுள்ளது. இதையடுத்து இந்திய அணி புதன்கிழமை ஜூலை 3ந் தேதி அதிகாலை 3.30க்கு கிளம்பி 7.45க்கு சிறப்பு விமானம் மூலம் இந்தியா வர இருக்கின்றனர்.