100 கோடி நில அபகரிப்பு வழக்கில் எம்.ஆர்.விஜய பாஸ்கர் முன் ஜாமின் கோரி மனு!..

2011லிருந்து 2015ம் வருடம் வரை அதிமுக ஆட்சியில் போக்குவரத்து துறை அமைச்சராக இருந்தவர் எம்.ஆர். விஜயபாஸ்கர். இவர் அமைச்சராக இருந்த காலத்தில் இவர் மீது பல புகார்கள் எழுந்தது. ஆனால், அதிமுக ஆட்சியில் இருந்ததால் அவர் மீது யாராலும் எந்த நடவடிக்கையும் எடுக்க முடியவில்லை.

கரூரில் 100 கோடி மதிப்புள்ள சொத்தை போலி ஆவணங்கள் தயாரித்து அதற்கு சொந்தமானவரை மிரட்டி அவரிடமிருந்த அந்த சொத்தை விஜயபாஸ்கர் மிரட்டி வாங்கியதாக இவர் மீது நீதிமன்றத்தில் வழக்கு தொடரப்பட்டது. 2021ல் திமுக ஆட்சிக்கு வந்தபின் இந்த வழக்கு சூடு பிடித்தது. பல நாட்கள் வழக்கு விசாரணை நடந்தது.

இந்த வழக்கில் அவர் மீதான குற்றம் நிரூபிக்கப்பட்டது. இதைத்தொடர்ந்து கடந்த 10 நாட்களாளுக்கும் மேல் தலைமறைவாக இருக்கிறார் விஜய பாஸ்கர். அதோடு, கைதில் இருந்து தப்பிப்பதற்காக முதன்மை மாவட்ட அமர்வு நீதிமன்றத்தில் விஜய பாஸ்கர் தரப்பில் முன்ஜாமின் மனு தாக்கல் செய்யப்பட்டது.

ஆனால், அவரின் முன் ஜாமின் மனுவை நீதிமன்றம் தள்ளுபடி செய்துவிட்டது. எனவே, அவரை கைது செய்யும் முயற்சியில் சிபிசிஐடி போலீசார் களம் இறங்கியுள்ளனர். அதன்படியே தற்போது அவரை பிடிப்பதற்காக 7 தனிப்படைகள் அமைக்கப்பட்டிருக்கிறது. எனவே, விரைவில் அவர் கைது செய்யப்படுவார் என எதிர்பார்க்கப்பட்டது.

இந்நிலையில், கரூர் முதன்மை அமர்வு நீதிமன்றத்தில் விஜயபாஸ்கர் சார்பாக மீண்டும் முன் ஜாமின் மனு தாக்கல் செய்யப்பட்டிருக்கிறது.