தங்கம் விக்கிற விலைக்கு… ரூ, 2.5 லட்சத்தில் வளர்ப்பு நாய்க்கு தங்கச்சங்கிலி… வியக்க வைத்த உரிமையாளர்…!

தங்கம் விற்கும் விலைக்கு தனது வளர்ப்பு நாய்க்கு 2.5 லட்சம் ரூபாய் தங்க சங்கிலி மாட்டி அழகு பார்த்திருக்கின்றார் உரிமையாளர். இந்த வீடியோ இணையத்தில் வெளியாகி வைரலாகி வருகின்றது.

மும்பையை சேர்ந்த சரிதா சல்தான்சா என்ற பெண் தன் வீட்டில் ஒரு வளர்ப்பு நாயை வளர்த்து வந்துள்ளார். அந்த நாய் மீது மிகுந்த அன்பு வைத்திருக்கும் அவர் டைகர் என பெயர் வைத்து தனது பிள்ளை போல் வளர்த்து வந்திருக்கின்றார். அவரின் பிறந்த நாளை கொண்டாட முடிவெடுத்திருந்த சரிதா செம்பூரில் உள்ள நகை கடைக்கு சென்று ஷாப்பிங் செய்து இருக்கின்றார்.

தனது நாய்க்கு நகையை தேர்ந்தெடுத்து பரிசளிக்க விரும்பிய அவர் 2.5 லட்சம் ரூபாய்க்கு தங்க சங்கிலி ஒன்றை வாங்கி பரிசாக வழங்கியிருக்கின்றார். அதற்கு கடையிலேயே மாட்டிவிட்டு அழகு பார்த்திருக்கின்றார். இந்த வீடியோ இன்ஸ்டாகிராம் பக்கத்தில் வெளியாகி வைரலாகி வருகின்றது.

இந்த வீடியோவில் பார்த்து பார்த்து தனது நாய்க்கு சரிதா நகையைத் தேர்ந்தெடுக்கின்றார். அதன் பிறகு தனது வளர்ப்பு நாயின் கழுத்தில் சங்கிலியை போட்டு அழகு பார்க்கின்றார். அவர்  நாய்க்கு சங்கிலி போடும்போது அது மகிழ்ச்சியுடன் வாலாட்டுகின்றது. இந்த வீடியோ தற்போது இணையத்தில் வைரலாகி வருகின்றது.