15 நாட்கள் ஆட்சியில் 10 பிரச்சனைகள்!. மோடியை விளாசிய ராகுல் காந்தி!..

நடந்த முடிந்த பாராளுமன்ற தேர்தலில் என்.டி.ஏ கூட்டணி அதிக தொகுதிகளை பெற்று 3வது முறையாக தொடர்ந்து ஆட்சியை பிடித்திருக்கிறது. நரேந்திர மோடி 3வது முறையாக பிரதமராக தேர்ந்தெடுக்கப்பட்டிருக்கிறார்.

கடந்த 2 முறையும் மிகவும் குறைவான தொகுதிகளில் வெற்றி பெற்ற எதிர்கட்சி ஆக கூட முடியாமல் இருந்த காங்கிரஸ் இப்போது கூட்டணி கட்சிகளுடன் இணைந்து கணிசமான தொகுதிகளை பெற்று எதிர்கட்சியாக மாறி இருக்கிறது.

பல்வேறு அரசியல் பரபரப்புகளுகு இடையே இன்று பாராளுமன்றம் கூடியது. இந்நிலையில், செய்தியாளர்களிடம் பேசிய ராகுல் காந்தி என்.டி.ஏ கூட்டணி ஆட்சிக்கு வந்து முதல் 15 நாட்களில் ரயில் விபத்து, காஷ்மீரின் தீவிரவாத தாக்குதல், ரயில் பயணிகளின் அவல நிலை, நீட் முறைகேடு, முதுநிலை நீட் தேர்வு ரத்து, நெட் தேர்வு வினாத்தாள் லீக், உணவுப்பொருட்கள் விலை உயர்வு, காட்டுத் தீ, தண்ணீர் பஞ்சம், வெப்பநிலை மரணங்கள் என 10 பிரச்சனைகளை சந்தித்திருக்கிறது.

ஆனால், இதையெல்லாம் கவனிக்காமல் நரேந்திர மோடி ஆட்சியை காப்பாற்றுவதிலேயே கவனம் செலுத்தி வருகிறார். அவர்களுக்கு மக்களின் மீது எந்த அக்கறையும் இல்லை என அவர் குற்றம் சாட்டி இருக்கிறார்.