ஹாப்பி பர்த்டே தல தோனி… ராஜஸ்தான் ராயல்ஸ் அணி வெளியிட்ட ஸ்பெஷல் போட்டோ…!

எம்எஸ் தோனி-யின் பிறந்தநாள் முன்னிட்டு ராஜஸ்தான் ராயல்ஸ் அணியினர் ஒரு சிறப்பான புகைப்படத்தை பகிர்ந்து பிறந்தநாள் வாழ்த்துக்களை தெரிவித்து இருக்கிறார்கள்.

இந்திய கிரிக்கெட் அணியின் முன்னாள் கேப்டனாகவும் சிஎஸ்கே அணியின் கேப்டனாகவும் வளம் வந்தவர் மகேந்திர சிங் தோனி. இவர் இன்று தனது 43-வது பிறந்த நாளை கொண்டாடியிருக்கின்றார். இதனிடையே அவர் தனது மனைவியுடன் கேக் வெட்டி கொண்டாடிய புகைப்படங்கள் இணையத்தில் வெளியாகி வைரலாகி வந்தது.

இந்த கொண்டாட்டத்தில் பாலிவுட் நடிகர் சல்மான்கான் கலந்துகொண்டு டோனிக்கு வாழ்த்துக்களை தெரிவித்து இருந்தார். அது மட்டும் இல்லாமல் ரவீந்திர ஜடேஜா, ருத்ராட்ச் கேக்வாட் ஆகியோர் தங்களது சமூக வலைதள பக்கங்களில் பிறந்தநாள் கொண்டாடும் டோனி அவர்களுக்கு தங்களது வாழ்த்துக்களை தெரிவித்து இருந்தார்கள்.

அது மட்டும் இல்லாமல் சமூக வலைதள பக்கங்களில் ரசிகர்கள், பிரபலங்கள் என பலரும் எம் எஸ் தோனிக்கு பிறந்தநாள் வாழ்த்துக்களை தெரிவித்து வருகிறார்கள். இந்நிலையில் தோனியின் பிறந்த நாளை முன்னிட்டு ராஜஸ்தான் ராயல்ஸ் அணியின் நிர்வாகம் தனது எக்ஸ் தல பக்கத்தில் ஒரு சிறந்த புகைப்படம் ஒன்றை பகிர்ந்து இருக்கிறார்கள்.

அதில் டி20 உலக கோப்பையை வென்ற இந்திய அணி வீரர்கள் இந்திய அணியின் கேப்டன் ரோகித் சர்மா உலக கோப்பையை தோனியிடம் கொடுப்பது போன்று AI படத்தை பகிர்ந்து இருக்கிறார்கள். அதில் பிறந்தநாள் வாழ்த்துக்கள் தல என்று பதிவிட்டு இருக்கிறார்கள். இந்த புகைப்படமானது இணையத்தில் வெளியாகி வைரலாகி வருகிறது