ஆஸ்திரேலியாவுக்கு எதிரான டெஸ்ட் போட்டி… ஹர்ஷித் ரானா ஒரு பெஸ்ட் சாய்ஸ் – சஞ்சய் மஞ்ச்ரேக்கர்..!

ஆஸ்திரேலியாவுக்கு எதிரான டெஸ்ட் போட்டிக்கு ஹர்ஷித் ரானா ஒரு சிறந்த தேர்வு என்று சஞ்சய் மஞ்ச்ரேக்கர் தெரிவித்து இருக்கின்றார்.

இந்தியா ஆஸ்திரேலியா அணிகளுக்கு இடையே எப்போதும் பாரம்பரியமாக நடைபெற்று வரும் பார்டர் கவாஸ்கர் டெஸ்ட் போட்டி இந்த ஆண்டு ஆஸ்திரேலியாலில் நடைபெற உள்ளது. பார்டர் கவாஸ்கர் போட்டியில் இந்தியா ஆஸ்திரேலியா அணிகள் முதல் முறையாக 5 போட்டிகள் கொண்ட டெஸ்ட் தொடரில் நேருக்கு நேர் விளையாட இருக்கின்றது.

இந்நிலையில் பார்டர் கவாஸ்கர் கிரிக்கெட் போட்டியில் கலந்து கொள்ள உள்ள ரோகித் சர்மா தலைமையிலான இந்திய அணியை பிசிசிஐ சமீபத்தில் அறிவித்திருந்தது. இந்த அணியில் அறிமுக வீரர்களாக அபிமன்யு ஈஸ்வரன், நிதிஷ் குமார் ரெட்டி, ஹர்ஷித் ரானா ஆகியோருக்கு வாய்ப்புகள் வழங்கப்பட்டுள்ளன.

ஆஸ்திரேலியக்கு எதிரான டெஸ்ட் போட்டியில் அறிமுக வீரர் ஹர்ஷித் ரானா இந்திய அணியில் இடம் பிடித்திருப்பது ஒரு நல்ல தேர்வு என்று முன்னாள் வீரர் சஞ்சய் மஞ்ச்ரேக்கர் தெரிவித்து இருக்கின்றார். இது தொடர்பாக அவர் கூறியிருந்ததாவது ‘தற்போது நடைபெற்று வரும் முக்கிய தொடர்களில் அறிமுக வீரர்களுக்கு வாய்ப்பு கொடுப்பது ரெண்டாக மாறி வருகின்றது.

இந்தியா வெளிநாட்டுக்கு சென்று விளையாடும் ஒவ்வொரு சுற்றுப்பயணத்தையும் பார்க்கும் போது ஏதேனும் ஒரு அறிமுக வீரருக்கு டெஸ்ட் போட்டியில் விளையாடுவதற்கு வாய்ப்பு வழங்கப்படுகின்றது. தற்போது எல்லா அணிகளும் இதனை செய்து வருகிறார்கள். பொதுவாக அனுபவம் வாய்ந்த பந்துவீச்சாளர்களுக்கு மட்டுமே வாய்ப்பு கிடைக்கும். இருப்பினும் ஆஸ்திரேலியாவுக்கு எதிரான 5 டெஸ்ட் தொடர் கொண்ட போட்டியில் ஹர்ஷித் ராணாவுக்கு வாய்ப்பு கொடுக்கப்பட்டது ஒரு நல்ல தேர்வாக நினைக்கின்றேன்’ என்று அவர் கூறியிருக்கின்றார்.