பேருந்து ரயிலில் பயணம் செய்ய… இனி ஒரே டிக்கெட் தான்… வெளியான அதிரடி ஆணை…!

மாநகர பேருந்து, மெட்ரோ ரயில் என அனைத்திலும் ஒரே டிக்கெட் பயன்படுத்துவதற்கான செயலியை உருவாக்க பணி ஆணை வழங்கப்பட்டுள்ளது.

சென்னையில் மக்கள் மாநகர பேருந்துகள், மெட்ரோ ரயில்கள், புறநகர் ரயில்கள் மூலமாக தினந்தோறும் பயணம் செய்து வருகிறார்கள். இதில் மகளிருக்கு இலவச பயணம் என்பது நடைமுறையில் இருக்கின்றது. இந்நிலையில் ஒரு புதிய திட்டத்தை தமிழக அரசு உருவாக்க இருக்கின்றது. அதாவது சென்னையில் மாநகர பேருந்து , மெட்ரோ ரயில்கள் மற்றும் புறநகர் ரயில்களில் பயணம் செய்வதற்கு ஒரே டிக்கெட் பயன்படுத்துவதற்கான செயலியை உருவாக்குவதற்கு ஆணை வழங்கப்பட்டிருக்கிறது.

இந்த செயலியை உருவாக்க ‘மூவிங் டெக் இன்னோவேஷன் பிரைவேட் லிமிடெட்’ நிறுவனத்திற்கு சென்னை ஒருங்கிணைந்த போக்குவரத்துக் கழகம் பணி ஆணை ஒன்றை வழங்கி இருக்கின்றது. முதற்கட்டமாக டிசம்பரில் சென்னை மாநகர பேருந்துகள், மெட்ரோ ரயில்களில் ஒரே டிக்கெட்டில் பயணம் செய்யும் முறையை நடைமுறைப்படுத்த முடிவு செய்யப்பட்டுள்ளது. மேலும் 2025 மார்ச் மாதத்தில் புறநகர் ரயில்களிலும் இந்த திட்டத்தை செயல்படுத்த விரைவில் முடிவெடுக்கப்படும் என்று தகவல் வெளியாகி இருக்கின்றது.