வெற்றி படங்களாக மாற்றிய ரஜினி – கமல்…மொத்தம் எத்தனை தெரியுமா?…

தமிழ் சினிமாவில் பல ஆண்டு கால அனுபவங்களை கொண்டுள்ள நடிகர்களில் முக்கிய இடம் பிடித்திருப்பவர்கள் ரஜினி – கமல்ஹாசன். தனது நான்கு வயதிலிருந்தே சினிமாவை இறுக்கமாக பிடித்து வருகிறார் கமல். சினிமாவில் ரஜினியின் 50வது ஆண்டை கொண்டாடுவது பற்றி அவரது ரசிகர்கள் ஆர்வம் காட்டி வருகின்றனர்.

இவர்கள் இருவரும் ஒரு காலத்தில் இணைந்தே பல படங்களில் நடித்து வந்தனர். அந்தப் படங்களில் எல்லாம் கமலின் பெயரே அதிகமாக பிரதானப்பட்டு வந்தது அப்போதைய நாட்களில். நாளடைவில் இருவரும் தனித் தனியே நடிக்கத் துவங்கி விட்டனர்.

இந்த இருவருக்கும் இப்போது சினிமாவில் கணக்கிட முடியாத அளவிலான ரசிகர்கள் இருந்து வருகின்றனர். இவர்கள் இணைந்து நடித்த படங்களில் அதிகம் சூப்பர் ஹிட் ஆனது.

சினிமாவையும் தாண்டி நிஜ வாழ்வில் இப்போது வரை இருவரும் நல்ல நண்பர்களாகவே இருந்து வருகின்றனர். இவர்களின் படங்களைப் பற்றி சற்று பின் நோக்கி சென்று பார்த்தால் இருவரும் போட்டி போட்டிக் கொண்டு நடித்திருந்த விதங்கள் இன்றும் ரசிக்கவே வைக்கும்.

“16வயதினிலே” படத்தில் பரட்டையாக ரஜினி, கோபால கிருஷ்ணன் (எ) சப்பானியாக நடித்திருந்தார் கமல்.

வில்லத்தனமான கேரக்டரில் ரஜினியின் ஸ்டைலான நடிப்பு. ‘ நினைத்தாலே இணிக்கும்’, ‘தில்லு முல்லு’, ‘அலாவுதீனும் அற்புத விளக்கும்’, ‘தாயில்லாமல் நானில்லை’, ‘இளமை ஊஞ்சலாடுகிறது’, ‘அவர்கள்’, ‘மூன்று முடிச்சு’ என வரிசைப் படுத்திக் கொண்டே போகலாம் இவர்களின் இருவரின் ஹிட்டுகளை.

கமலின் அறிவுரையை கேட்டுத் தான் ரஜினி, கமலைப் பிரிந்து தனியாக கதாநாயகனாக நடிக்கத் துவங்கியதாக ரஜினியே பல முறை சொல்லியிருக்கிறார். இருவரும் இப்போது பொது மேடைகளில் சந்தித்து கொள்ளும் போதெல்லாம் ஒருவரை ஒருவர் மாறி, மாறி புகழ்ந்து பேசும் பெருந்தன்மை படைத்தவர்களாக இருந்து வருகிறார்கள்.

இவர்கள் இருவரின் வளர்ச்சிக்கு முக்கிய காரணமாக அமைந்தவர் கே.பாலச்சந்தர். இதனையும் இவர்களே மனமார சொல்லி வந்திருக்கின்றனர். இவர்கள் இருவரும் இணைந்து நடித்த படங்களின் எண்ணிக்கை எத்தனை தெரியுமா?. 13படங்களில் மட்டுமே இவர்கள் இருவரும் இணைந்து நடித்திருந்தனர்.

அதில் ஏழு படங்கள் மெகா ஹிட் ஆனது. இந்த வெற்றிப் படங்களின் வரிசையில் ‘அவள் அப்படி தான்’, ‘தப்பு தாளங்கள்’, ‘அபூர்வ ராகங்கள்’ ஆகியவற்றையும் சேர்த்துக் கொள்ளலாம். தமிழ் தவிர பிற மொழிப் படங்களிலும் இவர்கள் இருவரும் சேர்ந்து நடித்திருக்கவும் செய்துள்ளனர்.