சமீபத்தில் ப்ரான்ஸ் தலைநகர் பாரீஸில் நடந்து முடிந்த ஒலிம்பிக் போட்டியில் இந்திய மல்யுத்த வீராங்கனை வினேஷ் போகத் இறுதிச்சுற்றிற்கு முன்னேறினார். ஆனால் இறுதிப்போட்டி நடைபெற இருந்த அன்று திடீரென வினேஷ் போகத் தகுதி நீக்கம் செய்யப்பட்டார்.
இந்த விவகாரம் இந்திய ரசிகர்களை மிகப்பெரிய அதிர்ச்சியில் ஆழ்த்தியது. போட்டியில் பங்கேற்க வேண்டிய தினத்தன்று வினேஷ் போகத் ஐம்பது கிலோவை விட நூறு கிராம் எடை கூடுதலாக இருந்ததால் அவர் போட்டியில் பங்கேற்கும் தகுதியை இழந்ததாக தெரிவிக்கப்பட்டது.
இந்நிலையில் மல்யுத்த வீராங்கனை வினேஷ் போகத் தன்னை காங்கிரஸ் கட்சியில் இணைத்துக்கொண்டார். டெல்லியில் உள்ள காங்கிரஸ் கட்சி தலைமை அலுவலகத்தில் அக்கட்சியின் பொதுச் செயலாளர் வேணுகோபால் முன்னிலையில் காங்கிரஸில் இணைந்தார்.
அவருடன் சக மல்யுத்த வீரரான பஜ்ரங் புனியாவும் காங்கிரஸில் தன்னை இணைத்துக் கொண்டார். இந்த சூழலில் அரியனாவில் நடைபெற சட்டப்பேரவை தேர்தலுக்கான முதற்கட்ட வேட்பாளர் பட்டியலை வெளியிட்டது காங்கிரஸ் கட்சி.
அதில் ஜுலானா தொகுதியில் மல்யுத்த வீராங்கனை வினேஷ் போகத் போட்டியிடுவார் என தெரிவிக்கப்பட்டுள்ளது. முன்னதாக காங்கிரஸில் இணைவதற்கு முன்பாக இந்திய ரெயில்வேவில் தான் வகித்துவந்த பதவியை ராஜினாமா செய்தார் வினேஷ் போகத்.
இறுதிப் போட்டியில் தகுதி நீக்கம் செய்யப்பட்ட போதும் வெள்ளிப் பதக்கம் வென்றவருக்கான வெகுமதியும், மரியாதையும் வழங்கப்படும் என அரியானா அரசு அறிவித்தது. வினேஷ் போகத்துடன் காங்கிரஸில் தன்னை இணைத்துக் கொண்ட பஜ்ரங் புனியாவிற்கு விவசாய பிரிவு செயல் தலைவர் பதவியை வழங்கியுள்ளது காங்கிரஸ் கட்சி.
இந்தியாவில் சுற்றுப் பயணம் மேற்கொண்டுள்ள வங்கதேசம் அணி இரண்டு போட்டிகள் கொண்ட டெஸ்ட் போட்டியில் விளையாடி வருகிறது. முதல் போட்டி…
இந்திய அணியின் ஆல் ரவுண்டர் வீரர் ரவீந்திர ஜடேஜா, சர்வதேச டெஸ்ட் கிரிக்கெட்டில் இதுவரை யாரும் செய்யாத சாதனையை செய்து…
இந்தியாவில் சுற்றுப் பயணம் மேற்கொண்டுள்ள வங்கதேசம் அணி இரண்டு போட்டிகள் கொண்ட டெஸ்ட் தொடரில் விளையாடுகிறது. இந்த தொடரின் முதல்…
கர்நாடக மாநில முதலமைச்சர் சித்தராமையா தனது பதவியை ராஜினாமா செய்ய வேண்டும் என பாரதிய ஜனதா கட்சி தொடர்ந்து வலியுறுத்தி…
எம்.ஜி.ஆர், ஜெயலலிதா உருவாக்கிய இயக்கத்தை மீண்டும் வலுவாக உயர்த்தி பிடிக்க வேண்டும் என முன்னாள் முதலமைச்சர் ஓ.பன்னீர் செல்வம் தெரிவித்திருக்கிறார்.…
இந்தியா கிரிக்கெட் அணியை மூன்று இருபது ஓவர்கள் போட்டிகள் அடங்கிய தொடர் மற்றும் இரண்டு டெஸ்ட் போட்டிகளைக் கொண்ட தொடரின்…