இன்று இந்த 2 மாவட்டங்களுக்கு மஞ்சள் அலர்ட்… வானிலை ஆய்வு மையம் எச்சரிக்கை..!

தமிழகத்தில் இன்று நீலகிரி, கோவை மாவட்டங்களுக்கு மஞ்சள் எச்சரிக்கை விடுத்துள்ளது சென்னை வானிலை ஆய்வு மையம்.

தமிழகத்தில் கடந்த சில நாட்களாக ஒரு சில பகுதிகளில் மழை பெய்து வருகின்றது. இது தொடர்பாக வானிலை ஆய்வு மையம் வெளியிட்டுள்ள அறிக்கை தெரிவித்துள்ளதாவது “தமிழகத்தில் இன்று ஒரு சில இடங்களிலும், புதுச்சேரி மற்றும் காரைக்கால் பகுதிகளிலும் இடி மின்னலுடன் கூடிய மிதமான மழைக்கு வாய்ப்புள்ளது. தமிழகத்தில் பல்வேறு பகுதிகளில் இன்று முதல் 7 நாட்களுக்கு மிதமான மழைக்கு வாய்ப்புள்ளது.

மேலும் நீலகிரி மற்றும் கோவை ஆகிய மாவட்டங்களில் 7 முதல் 11 சென்டிமீட்டர் வரை மழை பெய்ய வாய்ப்புள்ள காரணத்தினால் மஞ்சள் எச்சரிக்கை விடப்பட்டுள்ளது. சென்னை மற்றும் புறநகர் பகுதிகளை பொறுத்த வரை அடுத்த 48 மணி நேரத்திற்கு வானம் ஓரளவுக்கு மேகமூட்டத்துடன் காணப்படும். நகரின் ஒரு சில பகுதிகளில் மழைக்கு வாய்ப்புள்ளது.

நேற்று சென்னை மற்றும் அதன் சுற்றுவட்டார பகுதிகளில் கனமழை கொட்டி தீர்த்தது. சென்னை வளசரவாக்கம், கோடம்பாக்கம் , போரூர், வடபழனி உள்ளிட்ட பகுதிகளில் கனமழை பெய்ததால் தாழ்வான பகுதிகளில் மழை தேங்கியது என்றும், சென்னையில் ஒரு சில இடங்களில் மழைக்கு வாய்ப்புள்ளது” என்று சென்னை வானிலை ஆய்வு மையம் தெரிவித்துள்ளது.