குளிக்கவே மாட்டேங்கிறாரு…கோட்டுக்கு போறேன்…ஆவேசமான மனைவி…

இப்போதெல்லாம் திருமண பந்தங்களில் சில அதிகமான தோல்விகளையே சந்தித்து வருகிறது. இது குறித்து உளவியல் ரீதியாக நிறைய ஆலோசனைகள் வழங்கப்பட்டு வருகிறது. திருமணம் முடித்த சில நாட்களிலேயே பிரிவு என்ற பாதையை நோக்கி பயணிக்கத் துவங்கி விடுகின்றனர் தம்பதிகள்.

இதனால் பிள்ளைகளைப் பெற்றவர்கள் அதிக மன உலைச்சல்களுகு ஆளாகி வருகின்றனர்.திரைத் துறை நட்சத்திரங்கள் மட்டுமல்லாது, விஐபி தம்பதியரும் மனம் ஒத்துப்போக வில்லை என விவாகரத்து கேட்டு கோர்ட் படியேறும் நிலை அதிகரித்து வருவதாக உளவியல் சார்ந்த நபர்கள் கவலை தெரிவித்து வருகின்றனர்.

இந்த பிரிவிற்கு அவர்கள் சொல்லும் காரணங்களில் சில அதிர்ச்சியை ஏற்படுத்தும் நிலைக்கு கொண்டு சென்றுவிடுகிறது. திருமணம் ஆகி நாற்பதே நாட்கள் ஆன நிலையில் உத்தரப் பிரதேசத்தைச் சேர்ந்த பெண் ஒருவர் விவாகரத்து கோரியுள்ள சம்பவம் அதிர்ச்சியை ஏற்படுத்தியுள்ளது.

Bath

அதற்கு அவர் குறிப்பிட்டுள்ள காரணம் தான் அனைவரின் கவனத்தை பெறுவதாக மாறியுள்ளது. திருமணம் ஆகி நாற்பது நாட்கள் மட்டுமே ஆன நிலையில் தன் கணவர் மாதத்திற்கு ஒரு முறை அல்லது இரண்டு முறை மட்டுமே உடலை சுத்தமாக வைக்க குளிப்பதாகவும், இதனால் அவர் மேல் துர்நாற்றம் வீசுவதாகவும், இதுவே பிரிவு கோருவதற்கான காரணம் என்றும் அப்பெண் தெரிவித்திருக்கிறார்.

கங்கை நதி நீரை உடலில் தெளித்தாலே போதுன் உடல் புனிதமாகி விடும் என்ற நம்பிக்கையில் தான் தனது கணவர் குளிப்பதை தவிர்த்து வருவதாக விவாகரத்து கோரியுள்ள உத்தரப் பிரதேசத்தைச் சேர்ந்த அப்பெண் தனது கணவிரின் மீதான தனது குற்றச் சாட்டினை முன்வைத்துள்ளார்.

மேலும் இருவருக்கும் திருமணமாகி நாற்பது நாட்கள் மட்டுமே ஆன நிலையில் தனது கணவர் இது வரை இரண்டு முறை மட்டுமே குளித்துள்ளதாக அப்பெண் வேதனை தெரிவித்திருந்த நிலையில் தம்பதியரை மன நல ஆலோசனை பெற நீதிமன்றம் பரிந்துரைத்துள்ளது.