’12 வருஷத்திற்கு பின் தோற்கலாம்’ ரோகித்-ஐ வச்சு செய்யும் நெட்டிசன்கள்

பூனேவில் நடைபெற்ற நியூசிலாந்து அணிக்கு எதிரான இரண்டாவது டெஸ்ட் போட்டியில் இந்திய அணி தோல்வியை தழுவியது. மேலும், நியூசிலாந்து உடனான டெஸ்ட் தொடரை இந்திய அணி 0-2 என்ற கணக்கில் இழந்துள்ளது. இந்த டெஸ்ட் தொடர் தோல்வியின் மூலம், இந்திய அணி சொந்த மண்ணில் 12 ஆண்டுகளுக்கு பின் டெஸ்ட் தொடரை இழந்துள்ளது.

இந்த தோல்வி காரணமாக இந்திய அணி உலக டெஸ்ட் சாம்பியன்ஷிப் தொடரின் இறுதிப் போட்டிக்கு முன்னேறும் வாய்ப்பு குறைந்துள்ளது. இந்த நிலையில், டெஸ்ட் தொடரை இழந்து பிறகு இந்திய கேப்டன் ரோகித் சர்மா செய்தியாளர்களிடம் பேசினார். அப்போது அவர் தெரிவித்த கருத்துக்களுக்கு நெட்டிசன்கள் கண்டனம் தெரிவித்து வருகின்றனர்.

“12 ஆண்டுகளுக்கு பின் இப்படி ஆடுவதற்கு எங்களுக்கு அனுமதி உள்ளது. தொடர்ச்சியாக நாங்கள் தோல்வி அடைந்தால், நாங்கள் சொந்த மண்ணில் இந்த நிலையில் இருந்திருக்க மாட்டோம். எங்கள் மீது அதீத எதிர்பார்ப்பு உள்ளது. சொந்த மண்ணில் ஒவ்வொரு போட்டியிலும் நாங்கள் வெற்றி பெற்றாக வேண்டும் என்ற எதிர்பார்ப்பு நிலவுகிறது. இதற்கு காரணம் எங்களது ஆட்டங்கள் தான்,” என்று ரோகித் சர்மா தெரிவித்தார்.

இவரது இந்த கருத்துக்கு நெட்டிசன்கள் பலரும் கடுமையான கருத்துக்களை தெரிவித்து வருகின்றனர். இது பற்றிய கமென்ட்களில் ஒருவர், இவர் நம் தேசிய அணியின் கேப்டனாக இருந்தது மிகவும் வெட்கக்கேடாக இருக்கிறது என குறிப்பிட்டுள்ளார். மற்றொரவர், வெட்கமே இல்லை என்று குறிப்பிட்டுள்ளார்.

இதுதவிர இந்திய அணி பேட்டர்கள் சிறப்பாக விளையாடி இருக்க வேண்டும் என்றும் ரோகித் சர்மா தெரிவித்தார். இது குறித்து பேசும் போது, “எனக்கு யாருடைய திறமை மீதும் சந்தேகம் இல்லை. இந்த விஷயத்தை அதிகம் போஸ்ட் மார்டெம் செய்ய விரும்பவில்லை, ஆனால் பேட்டர்கள் அவர்களின் திட்டத்தை கொண்டு வந்து, அதனை நம்ப வேண்டும். நியூசிலாந்து பேட்டர்கள் அதை வெளிப்படுத்தினர்,” என்று தெரிவித்தார்.