₹14,999-க்கு Smart TV-யா? ரூம்-க்கு 1 வாங்கலாம் போலயே..!

ஏசர் நிறுவனம் இந்திய சந்தையில் தனது புதிய ஸ்மார்ட் டிவி மாடல்களை அறிமுகம் செய்தது. இன்ட்கல் டெக்னாலஜிஸ் நிறுவனம் இந்த டிவிக்களை வெளியிட்டுள்ளது. புதிய ஏசர் டிவி-க்கள் கூகுள் டிவி சார்ந்த ஆண்ட்ராய்டு 14 ஓஎஸ் கொண்டுள்ளன.

இவற்றில் டூயல் பிராசஸர், ஏஐ அம்சங்கள், டால்பி விஷன், சூப்பர் பிரைட்னஸ், HDR10+ என ஏராள வசதிகள் உள்ளன. புதிய ஏசர் சூப்பர் சீரிஸ் டிவி மாடல்களில் Ultra QLED டிஸ்ப்ளே வழங்கப்பட்டு இருக்கிறது. மேலும் ஆண்ட்ராய்டு 14 சார்ந்த கூகுள் டிவி ஓஎஸ் கொண்ட முதல் ஸ்மார்ட் டிவி இது ஆகும்.

இதில் டால்பி விஷன் HDR10+, சூப்பர் பிரைட்னஸ், MEMC மற்றும் மேம்பட்ட பிக்சர் குவாலிட்டி உள்ளது. இவற்றுடன் ஆட்டோ லோ லேடன்சி மோட் (ALLM), 120Hz வேரியபில் ரிப்ரெஷ் ரேட் மற்றும் HDMI DSC வழங்கப்பட்டு இருக்கிறது.

இன்ட்கல் டெக்னாலஜிஸ் நிறுவனம் ஏசர் L மற்றும் M சீரிஸ் டிவி மாடல்களையும் அறிமுகம் செய்தது. இதில் L சீரிஸ் மாடல்கள் 4K UHD ரெசல்யூஷன், நான்கு பக்கமும் ஃபிரேம்லெஸ் டிசைன் வழங்கப்பட்டு இருக்கிறது. இவை 32 இன்ச் துவங்கி அதிகபட்சம் 65 இன்ச் வரையிலான அளவுகளில் கிடைக்கின்றன. ஏசர் M சீரிஸ் டிவி மாடல்களில் மினி LED மற்றும் QLED டிஸ்பளே உள்ளன. இவை 65 மற்றும் 75 இன்ச் அளவுகளில் கிடைக்கின்றன.

இந்த டிவிக்களில் 144Hz வரையிலான ரிப்ரெஷ் ரேட், 1400 நிட்ஸ் பீக் பிரைட்னஸ், 60W அவுட்புட், 2.1 சேனல் ஸ்பீக்கர்கள், 60W அவுட்புட் மற்றும் வூஃபர் வழங்கப்பட்டு இருக்கிறது. இத்துடன் ஏஐ சார்ந்த டூயல் பிராசஸர் எஞ்சின், கூகுள் டிவி ஓஎஸ் வழங்கப்பட்டுள்ளது.

விலை விவரங்கள்:

ஏசர் சூப்பர் சீரிஸ் டிவி மாடல்களின் விலை ரூ. 32,999 என துவங்குகிறது. ஏசல் L சீரிஸ் மாடல்களின் விலை ரூ. 14,999 என்றும் M சீரிஸ் மாடல்களின் விலை ரூ. 89,999 என்று துவங்குகின்றன.