சூப்பர் டீல்ஸ்.. ஸ்மார்ட்வாட்ச் வாங்க நல்ல சான்ஸ்..

அமேஸ்பிட் நிறுவனம் தனது ஸ்மார்ட்வாட்ச் மாடல்களுக்கு ஏராளமான சலுகைகளை வழங்குவதாக அறிவித்து இருக்கிறது. விரைவில் துவங்க இருக்கும் அமேசான் பிரைம் டே விற்பனையில் பயனர்கள் அமேஸ்பிட் ஸ்மார்ட்வாட்ச் மாடல்களை சூப்பர் சலுகைகளுடன் வாங்கிட முடியும். ஜூலை 21 மற்றும் ஜூலை 22 ஆகிய தேதிகளில் அமேசான் பிரைம் டே விற்பனை நடைபெறுகிறது.

இந்த விற்பனையின் போது பயனர்கள் அமேஸ்பிட் ஸ்மார்ட்வாட்ச் மாடல்களின் மீது 55 சதவீதம் வரை தள்ளுபடி பெற முடியும். இத்துடன் அமேசான் பிரைம் விற்பனையை ஒட்டி அமேஸ்பிட் நிறுவனம் தனது அதிகம் எதிர்பார்க்கப்படும் ஹீலியோ ரிங் சாதனத்தையும் அறிமுகம் செய்யும் என்று எதிர்பார்க்கப்படுகிறது. சிறப்பு விற்பனையில் ஏராள சலுகைகள் வழங்கப்பட உள்ள நிலையில், அவற்றில் சில தற்போது அறிவிக்கப்பட்டு விட்டன.

அதன்படி ரூ. 19,999 விலை கொண்ட அமேஸ்பிட் ஆக்டிவ் மாடல் 50 சதவீத தள்ளுபடியுடன் ரூ. 9,999 விலையில் விற்பனை செய்யப்பட உள்ளது. ரக்கட் ஸ்மார்ட்வாட்ச் மாடல் அமேஸ்பிட் ஆக்டிவ் எட்ஜ் 55 சதவீத தள்ளுபடியுடன் ரூ. 8,999 விலையில் விற்பனை செய்யப்படுகிறது. இதன் உண்மை விலை ரூ. 19,999 என்பது குறிப்பிடத்தக்கது.

அமேஸ்பிட் பிப் 5 யூனிட்டி மாடலுக்கு ரூ. 3 ஆயிரம் வரை விலை குறைப்பு வழங்கப்படுகிறது. இந்த மாடல் ரூ. 4,999 விலையில் விற்பனை செய்யப்பட உள்ளது. அமேஸ்பிட் பேலன்ஸ் மாடலுக்கு 29 சதவீதம் தள்ளுபடி வழங்கப்படுகிறது. இதனால் இந்த வாட்ச் விலை ரூ. 30,999-இல் இருந்து ரூ. 21,999 வரை குறைகிறது.

சிறப்பு சலுகை மற்றும் தள்ளுபடிகள் ஒருபுறம் இருந்தாலும், அமேஸ்பிட் நிறுவனம் தனது அதிகம் எதிர்பார்க்கப்பட்ட ஹீலியோ ரிங் சாதனத்தை இந்திய சந்தையில் அறிமுகம் செய்யும் என்று எதிர்பார்க்கப்படுகிறது. இந்த மாடல் கடந்த ஜனவரி மாதம் நடைபெற்ற நுகர்வோர் மின்சாதன நிகழ்வில் காட்சிக்கு வைக்கப்பட்டது குறிப்பிடத்தக்கது.