அமேசான் பிரீடம் சேல்.. வேற லெவல் சலுகைகள்.. போன் வாங்க ரெடியா இருங்க..!

அமேசான் கிரேட் பிரீடம் பெஸ்டிவல் சேல் சில தினங்களில் துவங்க இருக்கிறது. இந்த விற்பனையில் பல்வேறு பொருட்களுக்கும் சிறப்பு சலுகைகள் வழங்கப்பட இருக்கிறது. இந்த வரிசையில் ஸ்மார்ட்போன் மாடல்களுக்கும் விசேஷ சலுகைகள் வழங்கப்பட உள்ளன.

முதற்கட்டமாக சிறப்பு விற்பனையின் தேதி அறிவிக்கப்பட்டது. அதன்படி ஆகஸ்ட் 6 ஆம் தேதி சிறப்பு விற்பனை துவங்க இருக்கிறது. தேதியை தொடர்ந்து இந்த சலுகையில் வழங்கப்பட இருக்கும் சலுகைகள் பற்றிய தகவல்கள் ஒவ்வொன்றாக அறிவிக்கப்பட்டு வருகிறது.

அதன்படி ஸ்மார்ட்போன் மாடல்களுக்கு வழங்கப்பட இருக்கும் சலுகைகள் அறிவிக்கப்பட்டுள்ளன. இதில் தள்ளுபடி மட்டுமின்றி வங்கி சார்ந்த பலன்களும் வழங்கப்பட உள்ளன. இந்த விற்பனையின் போது மொபைல் மற்றும் அக்சஸரீக்களுக்கு 40 சதவீதம் வரை தள்ளுபடி வழங்கப்படுகின்றன.

இது தொடர்பான டீசர்களின் படி ஒன்பிளஸ் நிறுவனத்தின் நார்ட் CE 4 லைட், ஒன்பிளஸ் நார்ட் 4, ஒன்பிளஸ் நார்ட் CE 4, ஒன்பிளஸ் ஓபன், ஒன்பிளஸ் 12R மற்றும் ஒன்பிளஸ் 12 போன்ற மாடல்களுக்கு சிறப்பு சலுகைகள் வழங்கப்பட உள்ளன.

இதே போன்று ஐகூ நிறுவனத்தின் ஐகூ Z9 லைட் 5ஜி, ஐகூ 12 5ஜி, ஐகூ நியோ 9 ப்ரோ, ஐகூ Z7 ப்ரோ, ஐகூ Z9 மற்று்ம ஐகூ Z9x போன்ற மாடல்களுக்கு தள்ளுபடி மற்றும் பலன்கள் வழங்கப்படுகிறது.

இத்துடன் ரெட்மி 13 5ஜி, ரெட்மி நோட் 13 ப்ரோ, ரெட்மி 12 5ஜி, ரெட்மி நோட் 13 ப்ரோ பிளஸ், சியோமி 14 மற்றும் பல மாடல்களுக்கும் சிறப்பு சலுகைகள் வழங்கப்படுகின்றன. சாம்சங் மற்றும் பல்வேறு ஸ்மார்ட்போன் மாடல்களுக்கும் தள்ளுபடி வழங்கப்பட இருக்கிறது.