தேதிய குறிச்சுக்கோங்க, ஆஃபர்களை மிஸ் பண்ணிடாதீங்க.. அமேசானில் Smartphone-க்கு இவ்வளவு தள்ளுபடியா?

இந்திய பயனர்களுக்கு ஜூலை 15 ஆம் தேதி அமேசான் பிரைம் டே விற்பனை துவங்க இருக்கிறது. இரண்டு நாட்கள் நடைபெற இருக்கும் சிறப்பு விற்பனையில் ஏராளமான சாதனங்கள் மற்றும் பொருட்களுக்கு அதிகப்படியான தள்ளுபடி மற்றும் வங்கி சார்ந்த சலுகைகள் வழங்கப்பட இருக்கின்றன. முந்தைய விற்பனைகளை போன்றே, இந்த முறையும் அமேசான் வழங்க இருக்கும் தள்ளுபடி விவரங்களை அறிவித்து விட்டது.

புதிய சாதனங்களின் சரியான விலை இதுவரை அறிவிக்கப்படவில்லை என்ற போதிலும், முந்தைய விற்பனைகளை ஒட்டி சிறப்பு சலுகை விவரங்களை ஓரளவுக்கு கணிக்க முடிகிறது. சிற்ப்பு விற்பனை துவங்கும் முன்பு வரை எவ்வளவு சலுகைகள் வழங்கப்பட இருக்கிறது என்பதை அமேசான் மற்றும் ப்ளிப்கார்ட் தளங்கள் ரகசியமாக வைத்துக் கொள்வதை வாடிக்கையாக கொண்டுள்ளன.

அந்த வகையில் புதிய ஸ்மார்ட்போன் வாங்க திட்டமிடுவோர் எனில், ரூ. 20 ஆயிரம், ரூ. 30 ஆயிரம், ரூ. 40 ஆயிரம் மற்றும் ரூ. 50 ஆயிரம் என பல்வேறு விலை பிரிவுகளில் ஏராளமான ஸ்மார்ட்போன் மாடல்களுக்கு அசத்தல் சலுகை மற்றும் தள்ளுபடி வழங்கப்படுகிறது. இதுதவிர அமேசான் எக்கோ சாதனங்களுக்கும் அசத்தல் சலுகைகள் வழங்கப்பட உள்ளன. அதன்படி அமேசான் பிரைம் டே விற்பனையில் ஸ்மார்ட்போன்களுக்கு அறிவிக்கப்பட்டு இருக்கும் சிறப்பு சலுகை விவரங்களை தொடர்ந்து பார்ப்போம்.

ரியல்மி நார்சோ N53 :

Realme-Narzo-N53

ரூ. 10 ஆயிரம் பட்ஜெட்டில் புதிய ஸ்மார்ட்போன் வாங்க நினைப்பவர்களுக்கு நார்சோ N53 ஸ்மார்ட்போன் சிறப்பான தேர்வாக இருக்கும். ஏற்கனவே இந்த மாடல் ரூ. 8 ஆயிரத்து 999 விலையில் விற்பனை செய்யப்படும் நார்சோ N53 மாடலின் விலை மேலும் குறைக்கப்படும் என்று தெரிகிறது. எனினும், இந்த ஸ்மார்ட்போனின் 6 ஜிபி ரேம், 128 ஜிபி மாடலை தேர்வு செய்வது நல்லது. இந்த விலை பிரிவில் நார்சோ N53 மாடல் 90Hz ரிப்ரெஷ் ரேட், டூயல் பிரைமரி கேமரா, 33 வாட் ஃபாஸ்ட் சார்ஜிங் வசதிகள் வழங்கப்படுகின்றன.

ஒன்பிளஸ் நார்ட் CE 3 லைட் :

OnePlus-Nord-CE-3-Lite

ரூ. 20 ஆயிரம் பட்ஜெட்டில் கிடைக்கும் நார்டு CE 3 லைட் 5ஜி ஸ்மார்ட்போன் 8 ஜிபி வேரியன்ட் ரூ. 19 ஆயிரத்து 999 விலையில் கிடைக்கிறது. இந்த ஸ்மார்ட்போனிற்கு ஆயிரம் ரூபாய் வரை தள்ளுபடி வழங்கப்படும் என்று எதிர்பார்க்கலாம். இத்துடன் வங்கி சலுகைகள் மற்றும் எக்சேன்ஜ் சலுகைகள் வழங்கப்படுகிறது. இவற்றை சேர்க்கும் போது இந்த ஸ்மார்ட்போனின் விலை ரூ. 16 ஆயிரம் பட்ஜெட்டிலும் கிடைக்க வாய்ப்புகள் உண்டு.

ரெட்மி K50i 5ஜி :

Redmi-K50i-5G

இந்திய சந்தையில் ரூ. 30 ஆயிரம் பட்ஜெட்டில் கிடைக்கும் ரெட்மி K50i 5ஜி ஸ்மார்ட்போன்களில் ஒன்றாக ரெட்மி K50i 5ஜி உள்ளது. இதன் 8 ஜிபி ரேம், 256 ஜிபி மெமரி மாடல் ரூ. 23 ஆயிரத்து 999 விலையில் விற்பனை செய்யப்படுகிறது. அமேசான் பிரைம் டே விற்பனையில் ரூ. 21 ஆயிரத்தில் துவங்கி ரூ. 22 ஆயிரம் வரை குறையும் என்று எதிர்பார்க்கலாம். இத்துடன் வங்கி சலுகைகளும் வழங்கப்பட இருக்கிறது.

ஐகூ 11 :

iQOO-11

ஐகூ நிறுவனத்தின் ஃபிளாக்‌ஷிப் ஸ்மார்ட்போனாக ஐகூ 11 இருக்கிறது. இந்த மாடல் ரூ. 54 ஆயிரத்து 999 விலையில் விற்பனை செய்யப்படுகிறது. அமேசான் பிரைம் டே விற்பனையில் இந்த ஸ்மார்ட்போன் ரூ. 49 ஆயிரம் பட்ஜெட்டில் விற்பனைக்கு கிடைக்கும் என்று தெரிகிறது. இந்த ஸ்மார்ட்போனில் ஸ்னாப்டிராகன் 8 ஜென் 2 பிராசஸர், 256 ஜிபி மெமரி, 120 வாட் ஃபிலாஷ் சார்ஜிங் வசதி உள்ளது.

ஐபோன் 14 :

iPhone-14

இந்திய சந்தையில் ஐபோன் 14 மாடலின் விலை ரூ. 66 ஆயிரத்து 999 என்று நிர்ணயம் செய்யப்பட்டு உள்ளது. சிறப்பு விற்பனையின் போது இந்த மாடல் விலை ரூ. 60 ஆயிரத்திற்கும் குறைவாக கிடைக்கும் என்று தெரிகிறது. சிறப்பு விற்பனை காலத்தில் ஐபோன்கள் விரைவிந்து தீர்ந்து போவது வாடிக்கையான காரியம் ஆகும்.