ரெடியா இருங்க.. துவங்கியதும் தட்டித் தூக்கிடனும்.. மொபைல்களுக்கு சூப்பர் ஆஃபர் வழங்கும் அமேசான்!

அமேசான் இந்தியா பிரைம் டே சேல் ஜூலை 15-16 என இரண்டு நாட்கள் நடைபெற இருக்கிறது. சிறப்பு விற்பனையின் அங்கமாக பத்து புதிய பொருட்கள் அறிமுகம் செய்யப்பட உள்ளன. இதில் சமீபத்தில் அறிமுகம் செய்யப்பட்ட அதிநவீன ஸ்மார்ட்போன்களுக்கு அதிகளவு தள்ளுபடி, இதர சலுகைகள் வழங்கப்படுகின்றன.

பல்வேறு வகையான ஸ்மார்ட்போன் மாடல்களுக்கும் இந்த விற்பனையில் அதிகளவு சலுகைகள் வழங்கப்பட்டு இருக்கின்றன. அந்த வகையில் சிறப்பு விற்பனைக்காக அறிமுகம் செய்யப்பட இருக்கும் ஸ்மார்ட்போன்கள் எவை என்பதை தொடர்ந்து பார்ப்போம்.

ஐடெல் A60s – அதிகபட்சம் 8 ஜிபி ரேம், 64 ஜிபி வரையிலான மெமரி கொண்டிருக்கும் இந்த ஸ்மார்ட்போனின் விலை ரூ. 6 ஆயிரத்து 299 எனும் துவக்க விலையில் விற்பனைக்கு கிடைக்கும்.

ஐடெல் P40 பிளஸ் – 7000 எம்ஏஹெச் பேட்டரி, ஆக்டாகோர் பிராசஸர், 6.8 இன்ச் பன்ச் ஹோல் டிஸ்ப்ளே, 90Hz ரிப்ரெஷ் ரேட் கொண்டிருக்கும் இதன் விலை ரூ. 8 ஆயிரத்து 099 என்று துவங்குகிறது.

 

ஐகூ நியோ 7 ப்ரோ 5ஜி –

இந்த ஸ்மார்ட்போன் ஸ்னாப்டிராகன் 8 பிளஸ் ஜென் 1 பிராசஸர், 120Hz 10-பிட் AMOLED டிஸ்ப்ளே, 120 வாட் ஃபிளாஷ் சார்ஜ் வசதி மற்றும் 5000 எம்ஏஹெச் பேட்டரி கொண்டிருக்கிறது. இதன் விலை ரூ. 31 ஆயிரத்து 999 என்று துவங்ககிறது. இரண்டு ஆண்டுகள் வாரண்டியுடன் இதற்கான முன்பதிவு ரூ. 1000 விலையில் துவங்கி நடைபெற்று வருகிறது.

மோட்டோரோலா ரேசர் 40 –

மோட்டோ பிரான்டின் சமீபத்திய ஃப்ளிப் போன் மாடல் இது ஆகும். இதில் 3.6 இன்ச் OLED பேனல், 144Hz ரிப்ரெஷ் ரேட் வழங்கப்பட்டு இருக்கிறது. இதன் விலை ரூ. 54 ஆயிரத்து 999 என்று துவங்குகிறது. இதில் வங்கி சார்ந்த சலுகைகளும் அடங்கும்.

மோட்டோரோலா ரேசர் 40 அல்ட்ரா 5ஜி – 6.9 இன்ச் டிஸ்ப்ளே, 165Hz ரிப்ரெஷ் ரேட் மற்றும் ஸ்னாப்டிராகன் 8 பிளஸ் ஜென் 1 பிராசஸர் கொண்ட இந்த ஸ்மார்ட்போனின் விலை ரூ. 82 ஆயிரத்து 999 என்று துவங்குகிறது. இதில் வங்கி சலுகைகளும் சேர்க்கப்பட்டு விட்டது.

அமேசான் பிரைம் டே விற்பனை :

ஜூலை 15 ஆம் தேதி நள்ளிரவு 12 மணிக்கு துவங்கும் சிறப்பு விற்பனை ஜூலை 16 ஆம் தேதி வரை நடைபெற இருக்கிறது. இது ஏழாவது ஆண்டாக நடைபெறும் சிறப்பு விற்பனை ஆகும். இரண்டு நாட்கள் நடைபெறும் சிறப்பு விற்பனையில் பல்வேறு சாதனங்களுக்கும் அசத்தல் சலுகை மற்றும் தள்ளுபடி உள்ளிட்டவை வழங்கப்படுகிறது.

பிரைம் சந்தா வைத்திருக்கும் பயனர்கள் அதிகளவு சலுகைகளை பெறுவதோடு, ஆண்டு முழுக்க பொழுதுபோக்கு சேவையை பயன்படுத்திக் கொள்ள முடியும்.

இந்த விற்பனையில் ஸ்மார்ட்போன், டிவி, வீட்டு உபயோக மின்சாதன பொருட்கள், அழகு சாதன பொருட்கள், மளிகை சாமான்கள், அமேசான் சாதனங்கள், சமையலறை, வீடு, மரச்சாமான்கள், அன்றாட பொருட்கள் என அனைத்து விதமான பொருட்களுக்கும் அசத்தலான சலுகை, தள்ளுபடி வழங்கப்படுகிறது.