அமேசான் கிரேட் சம்மர் சேல் துவங்கியதில் இருந்து, பல்வேறு பொருட்களுக்கு அறிவிக்கப்பட்டுள்ள சலுகை பற்றிய தகவல்கள் தீயாக பரவி வருகின்றன. குறிப்பிட்ட சாதனங்களுக்கு இதுவரை இல்லாத அளவுக்கு தள்ளுபடி, விலை குறைப்பு அறிவிக்கப்பட்டு இருப்பதோடு வங்கி சலுகைகளும் கூடுதலாக வழங்கப்படுகின்றன. ஐபோன் 13, ஐபோன் 14 சீரிஸ் மாடல்களுக்கு அதிகபட்சம் ரூ. 12 ஆயிரம் வரையிலான தள்ளுபடி அறிவிக்கப்பட்டு இருக்கிறது.
இதுதவிர ஆப்பிள் வாட்ச் எஸ்இ மாடலுக்கும் அசத்தலான தள்ளுபடி வழங்கப்படுகிறது. அந்த வரிசையில் ஆப்பிள் ஐபேட் ஏர் M1 மாடலுக்கு ரூ. 8 ஆயிரம் வரையிலான விலை குறைப்பு அறிவிக்கப்பட்டு இருக்கிறது. கடந்த ஆண்டு ரூ. 59 ஆயிரத்து 990 எனும் விலையில் அறிமுகம் செய்யப்பட்ட ஐபேட் ஏர் M1 மாடல் தற்போது ரூ. 51 ஆயிரத்து 999-க்கு விற்பனை செய்யப்படுகிறது. எனினும், இந்த சலுகை ஐபேட் ஏர் M1 64 ஜிபி மெமரி கொண்ட வைபை மாடலுக்கு மட்டுமே பொருந்தும்.
ஐபேட் ஏர் M1 வைபை + செல்லுலார் மாடல் 9 சதவீத தள்ளுபடியுடன் ரூ. 67 ஆயிரத்து 900-க்கு விற்பனை செய்யப்படுகிறது. தள்ளுபடி மட்டுமின்றி ஆப்பிள் ஐபேட் ஏர் M1 மாடல் வாங்குவோர் தேர்வு செய்யப்பட்ட வங்கி கார்டுகளை கொண்டு பணம் செலுத்தும் போது அதிகபட்சமாக ரூ. 1500 வரை கூடுதல் தள்ளுபடி பெற முடியும். இத்துடன் வட்டியில்லா மாத தவணை முறை வசதியும் வழங்கப்படுகிறது.
Apple iPad Air M1 2
ஐபேட் ஏர் M1 மாடல் புளூ, பின்க், ஸ்பேஸ் கிரே, பர்பில் மற்றும் கிரீம் (ஸ்டார்லைட்) என்று ஐந்துவிதமான நிறங்களில் கிடைக்கிறது. இந்த விலையில் ஆப்பிள் ஐபேட் ஏர் M1 மாடலை வங்குவது சிறந்த முடிவாக இருக்குமா என்ற குழப்பம் உள்ளதா?
– பிரீமியம் பிரிவில் அசத்தலான டேப்லெட் மாடலை அதிக செலவின்றி வாங்க திட்டமிட்டிருப்பவர்கள் தயக்கமின்றி ஐபேட் ஏர் M1 மாடலை வாங்கலாம்.
– 10.9 இன்ச் டிஸ்ப்ளே, பெசல் லெஸ்-ஸ்கிரீன் மற்றும் அதிக ஒலி எழுப்பும் ஸ்டீரியோ ஸ்பீக்கர்கள் ஐபேட் ஏர் M1 மாடலின் குறிப்பிடத்தக்க அம்சங்கள் ஆகும். இதில் உள்ள M1 சிப்செட் பயனர்களுக்கு ஏராளமான பணிகளை விரைந்து முடிக்கச் செய்கிறது. மேலும் இது அளவில் கச்சிதமாக இருப்பதால் இதர தரவுகளை கண்டுகளிக்கவும் சிறப்பானதாக இருக்கும்.
– கேமிங் தவிர்த்து அன்றாட பயன்பாட்டிற்கு ஐபேட் ஏர் M1 மாடல் இரண்டு நாட்கள் வரையிலான பேக்கப் வழங்குகிறது. மேலும், தொடர்ச்சியாக அதிக திறனுள்ள பணிகளை மேற்கொள்ளும் போது சூடாகும் வாய்ப்புகள் உண்டு.
Apple iPad Air M1 2
– ஐபேட் ஏர் M1 மாடலின் மற்றொரு குறைபாடு இதில் உள்ள 64 ஜிபி மெமரி பெரும்பாலானோருக்கு போதுமானதாக இருக்காது. இதே மாடலின் 256 ஜிபி மெமரி வேரியண்ட் அமேசான் தளத்தில் ரூ. 73 ஆயிரத்து 400-க்கு கிடைக்கிறது.
ஹாங் காங் கிரிக்கெட் சிக்சஸ் தொடர் 1992 ஆம் ஆண்டு முதல் நடைபெற்று வருகிறது. இந்த தொடர் டி20 கிரிக்கெட்…
இந்திய அணியின் முன்னாள் வீரர் சுரேஷ் ரெய்னா சென்னை சூப்பர் கிங்ஸ் அணியில் ரிஷப் பண்ட் இணைய உள்ளதை சூசகமாக…
இந்திய அணியில் தனது ஃபீல்டிங், பந்து வீச்சு பல நேரங்களில் தனது அதிரடியான பேட்டிங் என தனது திறமையை அடிக்கடி…
பொதுவாக பண்டிகை மற்றும் விஷேச தினங்கள வந்து விட்டாலே போதும் இயல்பை விட மக்கள் நடமாட்டம் வீதிகளில் அதிகமாக காணப்படும்.…
தமிழ் சினிமாவில் காமெடி நடிகர்கள் பலர் வந்து போயிருந்திருக்கின்றனர். அதில் சிலர் மட்டுமே காலம் கடந்து தங்களது பெயர் மக்கள்…
ஐபில் 2025க்கான அணி வீரர்கள் ஏலம் ஆரம்பமாக இருக்கும் நேரத்தில், அணியில் ஏற்கனவே இடம் பிடித்திருக்கும் வீரர்களை மாற்றி அறிவிப்புகளை…