ஐபோன் 14 மாடலுக்கு ரூ. 12 ஆயிரம் தள்ளுபடி – அமேசான் அதிரடி சலுகை!

ஆப்பிள் நிறுவனம் தனது ஐபோன் 14 சீரிஸ் மாடல்களை கடந்த ஆண்டு இந்திய சந்தையில் அறிமுகம் செய்தது. ஐபோன் 14, ஐபோன் 14 பிளஸ், ஐபோன் 14 ப்ரோ மற்றும் ஐபோன் 14 ப்ரோ மேக்ஸ் என மொத்தம் நான்கு மாடல்கள் ஐபோன் 14 சீரிசில் இடம்பெற்றுள்ளன. இதில் ஐபோன் 14 மாடலுக்கு அமேசான் வலைதளத்தில் 15 சதவீதம் தள்ளுபடி வழங்கப்படுகிறது.

இந்திய சந்தையில் ரூ. 79 ஆயிரத்து 999 விலையில் ஐபோன் 14 (128 ஜிபி) மாடல் அறிமுகம் செய்யப்பட்டது. தற்போது 15 சதவீதம் தள்ளுபடியை தொடர்ந்து ஐபோன் 14 (128 ஜிபி) விலை ரூ. 67 ஆயிரத்து 999 என்று மாறி இருக்கிறது.

ஐபோன் 14 (256 ஜிபி) மாடலுக்கு 13 சதவீதம் தள்ளுபடி வழங்கப்படுகிறது. இதன் விலை ரூ. 89 ஆயிரத்து 900-இல் இருந்து தற்போது ரூ. 77 ஆயிரத்து 999 என்று மாறி இருக்கிறது. ஐபோன் 14 (512ஜிபி) மாடலின் விலை ரூ. 1 லட்சத்து 09 ஆயிரத்து 900-இல் இருந்து ரூ. 97 ஆயிரத்து 999 என்று குறைக்கப்பட்டு இருக்கிறது.

 

இந்த சலுகையில் ஐபோன் 14 வாங்கலாமா ?

ஐபோன்களுக்கு கிடைக்கும் சலுகைகளை தவற விட யாரும் நினைக்க மாட்டார்கள். அதுவும் புதிய ஐபோன் மாடல்களுக்கு சலுகைகள் கிடைப்பது மிகவும் அரிதான காரியம் ஆகும். ஐபோன் 14 மாடலுக்கு அறிவிக்கப்பட்டு இருக்கும் 15 சதவீத தள்ளுபடி மூலம் ரூ. 12 ஆயிரம் வரை தள்ளுபடி பெற முடியும். ஒட்டுமொத்தத்தில் ஐபோன் 14 ஸ்மார்ட்போனில் OLED டிஸ்ப்ளே, சிறப்பான கேமரா மற்றும் ஏராளமான அம்சங்கள் வழங்கப்படுகின்றன. புதிய ஐபோன் வாங்க திட்டமிடுவோருக்கு இந்த சலுகை பயனுள்ள ஒன்று தான்.

ஐபோன் 14 அம்சங்கள் :

ஐபோன் 14 மாடலில் 6.1 இன்ச் OLED சூப்பர் ரெட்டினா டிஸ்ப்ளே, HDR மற்றும் 1200 நிட்ஸ் பீக் பிரைட்னஸ் கொண்டிருக்கிறது. இத்துடன் ஆப்பிள் ஏ15 பயோனிக் சிப்செட் வழங்கப்பட்டு உள்ளது. புகைப்படங்களை எடுக்க 12MP பிரைமரி கேமரா, 12MP அல்ட்ரா வைடு ஆங்கில் கேமரா மற்றும் 12MP செல்ஃபி கேமரா வழங்கப்பட்டு உள்ளது.

இத்துடன் 3200 எம்ஏஹெச் பேட்டரி, மேக் சேஃப் மற்றும் கியூ.ஐ. வயர்லெஸ் சார்ஜிங் சப்போர்ட் வழங்கப்பட்டு இருக்கிறது. இதில் உள்ள ஃபாஸ்ட் சார்ஜிங் வசதி மூலம் ஸ்மார்ட்போனினை 30 நிமிடங்களில் 50 சதவீதம் வரை சார்ஜ் செய்திட முடியும்.

ஐபோன் 14 மாடல் 20 வாட் அடாப்டர் மற்றும் அதிக திறன் கொண்ட அடாப்டர் சப்போர்ட் கொண்டிருக்கிறது. கனெக்டிவிட்டிக்கு ப்ளூடூத் 5.3, வைபை 6, 5ஜி, என்.எஃப்.சி. மற்றும் வைபை காலிங் போன்ற வசதிகள் வழங்கப்பட்டு உள்ளன.