பெயர் மட்டும் தான் மினி, அதிபயங்கர சிப்-உடன் புது Mac Mini அறிமுகம்

ஆப்பிள் நிறுவனம் தனது Mac Mini மாடலை அப்டேட் செய்துள்ளது. இவற்றில் அதிநவீன, அதிவேகமான M4 மற்றும் M4 ப்ரோ சிப்செட்கள் வழங்கப்பட்டுள்ளன. இவை அடுத்த தலைமுறை CPU, GPU கொண்டுள்ளன. இதில் சக்திவாய்ந்த நியூரல் எஞ்சின் வழங்கப்பட்டு இருக்கிறது.

புதிய Mac Mini மாடல் அளவில் சிறியதாக உருவாக்கப்பட்டு இருக்கிறது. இது முந்தைய மாடலை விட அளவில் பாதியாக வடிவமைக்கப்பட்டுள்ளது. இதில் புதுமையான தெர்மல் ஆர்கிடெக்ச்சர் வழங்கப்பட்டு இருக்கிறது.

இது சிஸ்டம் அதிக சூடாவதை தவிர்க்க செய்கிறது. M4 சிப் ஐபேட் ப்ரோ மாடலில் வழங்கப்பட்ட நிலையில், தற்போது புதிய iMac மாடலிலும் வழங்கப்பட்டு இருக்கிறது. புதிய சிப்செட்டில் அதிகபட்சம் 20 கோர்கள் உள்ளன. மேலும் M4 ப்ரோவில் உள்ள நியூரல் எஞ்சின் முந்தைய Mac Mini மாடலை விட மும்மடங்கு வேகமானது ஆகும்.

புதிய Mac Mini மாடலில் 16GB யுனிஃபைடு மெமரியும், M4 ப்ரோ மாடலில் அதிகபட்சம் 64GB வரையிலான யுனிஃபைடு மெமரி உள்ளது. புதிய M4 ப்ரோ மாடல் தண்டர்போல்ட் 5 சப்போர்ட் கொண்டுள்ளது. இத்துடன் HDMI போர்ட், ஜிகாபிட் ஈத்தர்நெட் போர்ட், இரண்டு யுஎஸ்பி டைப் சி போர்ட்கள், வைபை 6E, ப்ளூடூத் 5.3 வழங்கப்பட்டு இருக்கிறது. புதிய Mac Mini மாடல் ஆப்பிள் நிறுவனத்தின் முதல் கார்பன்-நியூட்ரல் Mac மாடல் ஆகும்.

இந்திய சந்தையில் புதிய Mac Mini M4 மாடலின் என்ட்ரி லெவல் மாடல் விலை ரூ. 59,900 என துவங்குகிறது. இதன் டாப் எண்ட் மாடலின் விலை ரூ. 1,49,900 என நிர்ணயம் செய்யப்பட்டு உள்ளது. புதிய Mac Mini மாடல்களின் முன்பதிவு ஏற்கனவே துவங்கி நடைபெற்று வருகிறது. விற்பனை நவம்பர் 8 ஆம் தேதி துவங்கவுள்ளது.