ஒவ்வொரு ஆப்பிள் தயாரிப்பிலும் ‘AI’ உள்ளது.! சிஇஓ டிம் குக் தகவல்..!

தற்போதைய நவீன உலகில் செயற்கை நுண்ணறிவு எனப்படும் ‘AI’ தொழில்நுட்பம் மிகவும் பிரபலமாக வளர்ந்து வருகிறது. இந்த செயற்கை நுண்ணறிவை பயன்படுத்தி பல தொழில்நுட்ப நிறுவனங்கள் கூட தங்களது தயாரிப்புகளை மேம்படுத்தி உருவாக்குகின்றன.

இந்நிலையில், மக்களிடையே பிரபலமாக உள்ள ஆப்பிள் நிறுவனம் அதன் தயாரிப்புகளில் ‘AI’ தொழில்நுட்பத்தை கிட்டத்தட்ட பயன்படுத்தியுள்ளது என்று நிறுவனத்தின் தலைமை நிர்வாக அதிகாரி டிம் குக் கூறியுள்ளார். சமீபத்திய நேர்காணல் ஒன்றில் நிறுவனத்தின் திட்டங்கள் குறித்த கேள்விகளுக்கு பதிலளித்த அவர் இவ்வாறு கூறியுள்ளார்.

AI

அவர் கூறுகையில், நிறுவனம் செயற்கை நுண்ணறிவு மற்றும் இயந்திர கற்றலை அடிப்படை முக்கிய தொழில்நுட்பங்களாக பார்க்கிறது. நாங்கள் உருவாக்கும் ஒவ்வொரு தயாரிப்பிலும் அவை கிட்டத்தட்ட பயன்படுத்தப்பட்டுள்ளன என்று கூறினார்.

மேலும், ஜெனரேட்டிவ் AI உட்பட AI ஐ ஆப்பிள் பல ஆண்டுகளாக ஆராய்ச்சி செய்து, அதில் அதிக அளவில் முதலீடு செய்து வருவதாகவும், இந்த ஆண்டு இதுவரை சுமார் $22.6 பில்லியனை (கிட்டத்தட்ட ரூ.1,868 கோடி) எட்டிய அதன் R&D செலவுகள் அதைப் பிரதிபலிக்கிறது என்றும் அவர் கூறினார்.

AI

இன்று ஆப்பிள் தயாரிப்புகளில் AI மற்றும் இயந்திர கற்றல் எவ்வாறு பயன்படுத்தப்படுகிறது என்பதற்கான பல உதாரணங்களை குக் சுட்டிக்காட்டினார். எடுத்துக்காட்டாக, iPhone X இல் உள்ள முக அங்கீகார அமைப்பு (Face ID) பயனர்களை அடையாளம் காண AI ஐப் பயன்படுத்துகிறது.

குரல் உதவியாளரான Siri, செயற்கை நுண்ணறிவைப் பயன்படுத்தி பயனர்களின் கேள்விகளைப் புரிந்துகொண்டு பதிலளிக்கவும். புகைப்படங்கள் பயன்பாடு தானாகவே புகைப்படங்களை ஒழுங்கமைக்க இயந்திர கற்றலைப் பயன்படுத்துகிறது. இதைத்தவிர, ஆப்பிள் மேப்ஸ் மற்றும் ஆப்பிள் மியூசிக் போன்றவையும் AI ஐப் பயன்படுத்துகிறது என்பது குறிப்பிடத்தக்கது.