தேதியை குறிச்சிக்கோங்க.. ப்ளிப்கார்ட் தீபாவளி சேல்.. முரட்டு ஆஃபர்ஸ் லோடிங்..

ப்ளிப்கார்ட் தளத்தில் பிக் தீபாவளி 2024 விற்பனை தேதி அறிவிக்கப்பட்டது. இந்த மாத இறுதியில் தீபாவளி பண்டிகை வருவதை ஒட்டி, ப்ளிப்கார்ட் தளத்தில் சிறப்பு விற்பனை நடைபெறுகிறது. ஒவ்வொரு ஆண்டும் ப்ளிப்கார்ட் சிறப்பு விற்பனை நடைபெறுவது வாடிக்கையான விஷயம் தான்.

இந்த விற்பனையில், பல்வேறு பொருட்கள், மின்சாதனங்கள், அக்சஸரீக்கள் உள்ளிட்டவைகளுக்கு சிறப்பு தள்ளுபடி, வங்கி சார்ந்த சலுகைகள் வழங்கப்படுகின்றன. அந்த வகையில், இந்த ஆண்டுக்கான ப்ளிப்கார்ட் பிக் தீபாவளி 2024 விற்பனை அக்டோபர் 21 ஆம் தேதி துவங்கும் என்று அறிவிக்கப்பட்டு இருக்கிறது.

எனினும், ப்ளிப்கார்ட் பிளஸ் அல்லது விஐபி வாடிக்கையாளர் எனில், இந்த சிறப்பு விற்பனை பலன்களை ஒருநாள் முன்பே, அதாவது அக்டோபர் 20 ஆம் தேதி பயன்படுத்த முடியும். ப்ளிப்கார்ட் பிக் தீபாவளி 2024 விற்பனையில் ஸ்மார்ட்போன், நுகர்வோர் மின்சாதன பொருட்களுக்கு ஏராளமான சலுகைகள் வழங்கப்படுகின்றன.

இதுதவிர ஸ்டேட் பேங்க் டெபிட் மற்றும் கிரெடிட் கார்டு பயன்படுத்தும் போது கூடுதலாக பத்து சதவீதம் வரையிலான தள்ளுபடி வழங்கப்படுகிறது. இதற்கு குறிப்பிட்ட அளவு தொகை கொண்ட பொருட்களை வாங்க வேண்டியது அவசியம் ஆகும்.

இந்த விற்பனையின் போது வழங்கப்பட இருக்கும் சலுகைகளை ப்ளிப்கார்ட் தற்போதே டீசர்களாக வெளியிட்டுள்ளது. அதன்படி ஐபோன் 15 மாடல் குறைந்தபட்சம் ரூ. 49,999 விலையிலேயே கிடைக்கும் என்று குறிப்பிடப்பட்டு இருக்கிறது.

இதே போன்று ஆப்பிள் மேக்புக் எம்2 மாடலை கணிசமான தள்ளுபடி விலையில் வாங்கிட முடியும். மேலும், முந்தைய தலைமுறை ஏர்பாட்ஸ் மாடல்களை ரூ. 9,999 விலையிலேயே வாங்கிடலாம்.