ஆர்டர் போட ரெடியா இருங்க.. ஐபோன் 14-க்கு வேற லெவல் தள்ளுபடி?

ஆப்பிள் நிறுவனம் ஐபோன் 15 சீரிஸ் மாடல்களை அறிமுகம் செய்வதற்கான ஆயத்த பணிகளில் ஈடுபட்டு வருகிறது. எனினும், ஐபோன் 14 மாடல் இன்றும் விற்பனையில் அமோக வரவேற்பை பெற்று வருகிறது. ஐபோன் 14 வாங்க திட்டமிட்டிருந்தால், அதனை நிறைவேற்றிக் கொள்ள இதுவே சரியான நேரம் எனலாம்.

இந்திய சந்தையில் முன்னணி ஆன்லைன் வலைதளங்கள் ஐபோன் 14 மாடலுக்கு அசத்தல் சலுகை மற்றும் தள்ளுபடி உள்ளிட்டவை அறிவித்து இருக்கின்றன. அதன்படி ப்ளிப்கார்ட்-இன் பிக் சேவிங் டேஸ் சேல்-இல் ஐபோன் 14 ஸ்மார்ட்போனுக்கு வேற லெவல் சலுகைகள் வழங்கப்படும் என்று எதிர்பார்க்கப்படுகிறது.

flipkart-big-saving-days-sale-july-2023

முன்னதாக ஐபோன் 14 மாடல் இந்திய சந்தையில் ரூ. 79 ஆயிரத்து 900 விலையில் அறிமுகம் செய்யப்பட்டது. தற்போது இந்த ஸ்மார்ட்போன் ப்ளிப்கார்ட் வலைதளத்தில் ரூ. 70 ஆயிரம் விலையில் விற்பனை செய்யப்படுகிறது.

இந்த விலை ஐபோன் 14 மாடலின் 128 ஜிபி மாடலுக்கானது ஆகும். விரைவில் துவங்க இருக்கும் ப்ளிப்கார்ட் பிக் சேவிங் டேஸ் சிறப்பு விற்பனையில், ஐபோன் 14 விலை மேலும் குறைக்கப்படும் என்று தெரிகிறது.

iPhone-14

முன்னதாக மே மாதம் நடைபெற்ற சிறப்பு விற்பனையின் போது ஐபோன் 14 மாடல் விலை ரூ. 67 ஆயிரத்து 999 என்று மாற்றப்பட்டு இருந்தது. அது அன்றைய விலையில் இருந்து ரூ. 12 ஆயிரம் வரை குறைவு ஆகும்.

இந்த முறை நடைபெற இருக்கும் விற்பனையின் போது ஐபோன் 14 விலை ரூ. 60 ஆயிரம் பட்ஜெட்டில் நிர்ணயம் செய்யப்படும் என்று கூறப்படுகிறது. எனினும், இதுபற்றிய அதிகாரப்பூர்வ அறிவிப்பு இதுவரை வெளியாகவில்லை. ஐபோன் 14 மட்டுமின்றி ஐபோன் 13 சீரிஸ் மாடலுக்கும் அசத்தலான விலை குறைப்பு அறிவிக்கப்படும் என்று எதிர்பார்க்கலாம்.

ஐபோன் 14 சீரிஸ் மாடல்கள் இந்திய சந்தையில் கடந்த ஆண்டு செப்டம்பர் மாதம் அறிமுகம் செய்யப்பட்டன. ஐபோன் 14 சீரிசில்- ஐபோன் 14, ஐபோன் 14 பிளஸ், ஐபோன் 14 ப்ரோ மற்றும் ஐபோன் 14 ப்ரோ மேக்ஸ் என்று நான்கு மாடல்கள் இடம்பெற்று உள்ளன.

iPhone-14-1

ஐபோன் 14 அம்சங்கள் :

ஆப்பிள் ஐபோன் 14 மாடலில் 6.1 இன்ச் XDR டிஸ்ப்ளே, 12MP டூயல் கேமரா சென்சார்கள், 12MP செல்ஃபி கேமரா, ஐ.ஒ.எஸ். 16, ஏ15 பயோனிக் சிப்செட் மற்றும் நீண்ட நேர பேக்கப் கொண்ட பேட்டரி வழங்கப்பட்டு இருக்கிறது.