விலை ₹. 86,990 மட்டுமே.. புது வாட்ச் அறிமுகம்..!

கார்மின் நிறுவனத்தின் முற்றிலும் புதிய ஜிபிஎஸ் ஸ்மார்ட்வாட்ச் இந்திய சந்தையில் அறிமுகம் செய்யப்பட்டது. கார்மின் ஃபீனிக்ஸ் 8 சீரிஸ் பெயரில் புதிய மாடல் அறிமுகம் செய்யப்பட்டது. இதே ஆண்டு கார்மின் ஃபோர்-ரன்னர் 165 சீரிஸ் ஜிபிஎஸ் ரன்னிங் வாட்ச் மாடலை கார்மின் அறிமுகம் செய்த நிலையில், தற்போது இந்த மாடல் அறிமுகம் செய்யப்பட்டு இருக்கிறது.

ஃபீனிக்ஸ் 8 சீரிஸ் மாடல் ரக்கட், டைவ்-ரேட் செய்யப்பட்ட டிசைன், லீக்-ப்ரூஃப் பட்டன் மற்றும் மெட்டல் சென்சார் கார்டு உள்ளிட்டவைகளை கொண்டிருக்கிறது. இதில் 1.4 இன்ச் AMOLED டிஸ்ப்ளே, ஸ்கிராட்ச் ரெசிஸ்டண்ட் வசதி, டைட்டானியம் பெசல் வழங்கப்பட்டு இருக்கிறது. இந்த வாட்ச் அமெரிக்க ராணுவ தரத்தில் தெர்மல், ஷாக் மற்றும் வாட்டர் ரெசிஸ்டண்ட் பரிசோதனைகளை வெற்றிகரமாக கடந்துள்ளது.

இந்த வாட்ச் பல்வேறு உடற்பயிற்சிகள் மற்றும் உடல்நலனை மேம்படுத்தும் பயிற்சிகளுக்கு ஏற்றவாரு உருவாக்கப்பட்டு இருக்கிறது. இதில் கஸ்டமைஸ் செய்யப்பட்ட உடல்நல டிராக்கிங் வசதி, பயிற்சிக்கு தயாராவதற்கு ஏற்ப உறக்கத்தின் தரம் மற்றும் மீண்டெழும் தரவுகளை வழங்கும் வசதி உள்ளது. இதில் ரவுண்ட்-ட்ரிப் ரூட்டிங் வசதி உள்ளது. இதை கொண்டு பயனர்கள் குறிப்பிட்ட தூரத்திற்கு சென்று மீண்டும் வருவதற்கான வழியை பரிந்துரைகளாக பெறலாம்.

நேவிகேஷன் வசதியை வழங்குவதற்காக இந்த வாட்ச்-இல் பல்வேறு கண்டங்களின் டோபோகிராஃபிக்கல் வரைபடங்கள் உள்ளன. மேலும் அவற்றின் டர்ன்-பை-டர்ன் டைர்க்ஷன்கள், துல்லியமான ஜிபிஎஸ் வசதி வழங்குவதற்காக SATIQ தொழில்நுட்பம், ஆல்டிமீட்டர், பாரோமீட்டர், காம்பஸ், நெக்ஸ்ட்ஃபோர்க் மேப் கைடு என ஏராளமான வசதிகள் உள்ளன.

ஸ்மார்ட்போனுடன் இணைக்கப்பட்டால், ஃபீனிக்ஸ் 8 சீரிஸ் மாடல் அழைப்புகள் மற்றும் அம்சங்களை குரல் மூலம் கட்டுப்படுத்தும் வசதியை வழங்குகிறது. இதில் வாய்ஸ் அசிஸ்டண்ட் மூலம் குறுந்தகவல்களுக்கு பதில் அளிக்கும் வசதி மற்றும் இதர அம்சங்களை இயக்கும் வசதி உள்ளது. இத்துடன் பில்ட்-இன் ஃபிளாஷ்லைட் உள்ளது. இதை அவசர காலங்களில் எச்சரிக்கை செய்யும் சிவப்பு விளக்காகவும் இயக்க முடியும்.

இத்துடன் மியூசிக் கண்ட்ரோல், கார்மின் பே மூலம் கான்டாக்ட்லெஸ் பேமென்ட் வசதி, சேஃப்டி டிராக்கிங், கார்மின் டிராக்கிங் மற்றும் கார்மின் மெசஞ்சர் செயலிகளை இயக்கும் வசதி வழங்கப்படுகிறது. இதுதவிர பயனர்கள் IQ ஸ்டோர் மூலம் மூன்றாம் தரப்பு செயலிகளையும் டவுன்லோட் செய்து கொள்ளலாம்.

இந்திய சந்தையில் புதிய கார்மின் ஃபீனிக்ஸ் 8 சீரிஸ் மாடலின் விலை ரூ. 86,990 என நிர்ணயம் செய்யப்பட்டு உள்ளது. இத்துடன் இரண்டு ஆண்டுகள் வாரண்டி வழங்கப்படுகிறது. விற்பனை கார்மின் இந்தியா வலைதளத்தில் நடைபெறுகிறது.