சூப்பர் ஆஃபர்களோடு விற்பனைக்கு வந்தது ஐகூ Z9s ப்ரோ

ஐகூ நிறுவனத்தின் Z9s ப்ரோ ஸ்மார்ட்போனின் விற்பனை இந்தியாவில் துவங்கியுள்ளது. இந்திய சந்தையில் ஐகூ Z9s ஸ்மார்ட்போனை தொடர்ந்து ஐகூ நிறுவனம் கடந்த வாரம் தான் புதிய Z9s ப்ரோ மாடலை அறிமுகம் செய்தது. தற்போது இந்த ஸ்மார்ட்போனின் விற்பனை துவங்கியுள்ளது.

விலை விவரங்கள்:

ஐகூ Z9s ப்ரோ 8GB+128GB மாடல் விலை ரூ. 24,999
ஐகூ Z9s ப்ரோ 8GB+256GB மாடல் விலை ரூ. 26,999
ஐகூ Z9s ப்ரோ 12GB+256GB மாடல் விலை ரூ. 28,999

புதிய ஸ்மார்ட்போனின் விற்பனை அமேசான், ஐகூ இந்தியா வலைதளங்களில் நடைபெறுகிறது. இந்த ஸ்மார்ட்போன் வாங்குவோர் ஐசிஐசிஐ மற்றும் ஹெச்டிஎப்சி வங்கி கார்டுகளை பயன்படுத்து்ம போது ரூ. 3000 உடனடி தள்ளுபடி மற்றும் எக்சேஞ்ச் போனஸ் ரூ. 3000, அதிகபட்சம் நான்கு மாதங்களுக்கு எளிய மாத தவணை முறை சலுகை வழங்கப்படுகிறது.

அம்சங்களை பொருத்தவரை ஐகூ Z9s ப்ரோ மாடலில் 6.77 இன்ச் 2392×1080 பிக்சல், ஃபுல் ஹெச்டி AMOLED டிஸ்ப்ளே, குவால்காம் ஸ்னாப்டிராகன் 7 ஜென் 3 பிராசஸர், அட்ரினோ 720 GPU, அதிகபட்சம் 12GB ரேம், 256GB மெமரி வழங்கப்பட்டு இருக்கிறது. ஆண்ட்ராய்டு 14 சார்ந்த ஃபன்டச் ஓஎஸ் 14 கொண்டுள்ள ஐகூ Z9s ப்ரோ மாடல் டூயல் சிம் ஸ்லாட் கொண்டுள்ளது.

புகைப்படங்களை எடுக்க 50MP பிரைமரி கேமரா, OIS, 8MP அல்ட்ரா வைடு கேமரா, 16MP செல்பி கேமரா வழங்கப்பட்டு இருக்கிறது. இந்த ஸ்மார்ட்போனில் இன் டிஸ்ப்ளே கைரேகை சென்சார், யுஎஸ்பி டைப் சி ஆடியோ, ஸ்டீரியோ ஸ்பீக்கர்கள், டஸ்ட் மற்றும் ஸ்பிலாஷ் ரெசிஸ்டண்ட் வசதி வழங்கப்பட்டு இருக்கிறது.

கனெக்டிவிட்டிக்கு 5ஜி, டூயல் 4ஜி வோல்ட்இ, வைபை 6, ப்ளூடூத் 5.4, யுஎஸ்பி டைப் சி போர்ட் உள்ளது. 5500mAh பேட்டரி மூலம் சக்தியூட்டப்படும் ஐகூ Z9s ப்ரோ மாடலில் 80W பாஸ்ட் சார்ஜிங் வசதி உள்ளது.