கம்மி விலை புது ஐடெல் ஸ்மார்ட்போன், வெளியீடு எப்போ?

ஐடெல் நிறுவனம் இந்திய சந்தையில் தனது புதிய ஸ்மார்ட்போனை அறிமுகம் செய்ய இருக்கிறது. புது ஸ்மார்ட்போன் ஐடெல் A50 என அழைக்கப்பட இருக்கிறது. ஐடெல் நிறுவனத்தின் ஆசம் சீரிஸ் மாடல்களுக்கு நல்ல வரவேற்பு கிடைக்கிறது. அதன்படி சமீபத்தில் அந்நிறுவனம் A70 ஸ்மார்ட்போனை அறிமுகம் செய்தது.

தற்போது A சீரிசில் புது மாடலாக ஐடெல் A50 மாடல் அறிமுகமாக இருக்கிறது. புதிய ஐடெல் A50 மாடலில் 6.56 இன்ச் HD+ டிஸ்ப்ளே, மெல்லிய டிசைன் கொண்டிருக்கும் என்று தெரிகிறது. புகைப்படங்களை எடுக்க டூயல் கேமரா சென்சார்கள், பிளாஷ் வழங்கப்படலாம். இந்த போனின் பெரும்பாலான அம்சங்கள் ஐடெல் A70 மாடலில் இருந்ததை போன்றே வழங்கப்படும் என்று தெரிகிறது.

இந்த ஸ்மார்ட்போனுக்கு மட்டும் ஐடெல் நிறுவனம் இலவசமாக ஸ்கிரீனை மாற்றிக் கொடுக்கும் வசதியை வழங்கும் என்று கூறப்படுகிறது. எனினும், இந்த சலுகை ஸ்மார்ட்போன் வாங்கிய முதல் 100 நாட்களுக்குள் மட்டுமே பொருந்தும். புதிய ஐடெல் ஸ்மார்ட்போனின் விலை ரூ. 7000 பட்ஜெட்டிற்குள் நிர்ணயம் செய்யப்படும் என்று கூறப்படுகிறது.

இவ்வாறு செய்யும் போது பட்ஜெட் விலையில் 4ஜி மற்றும் 5ஜி ஸ்மார்ட்போன் பிரிவில் ஐடெல் தனது போட்டியை வலுப்படுத்த முடியும். புதிய ஐடெல் ஸ்மார்ட்போன் அடுத்த வாரம் அறிமுகமாகும் என்று கூறப்படுகிறது. இது குறைந்த விலையில் புது ஸ்மார்ட்போன் வாங்க விரும்புவோருக்கு ஏற்றதாக இருக்கும்.