tech news
ரூ. 101-க்கு 100GB டேட்டா.. ஜியோ ஏர்ஃபைபர் சலுகை அறிவிப்பு
![Jio AirFiber Device - Cinereporters Info](https://info.cinereporters.com/wp-content/uploads/2024/06/Jio-AirFiber-Device.png)
ரிலையன்ஸ் ஜியோ நிறுவனம் தனது ஃபிக்சட் வயர்லெஸ் அக்சஸ் சேவையான ஜியோ ஏர்ஃபைபரில் புதிய சலுகைகளை அறிவித்து இருக்கிறது. நாடு முழுக்க கிட்டத்தட்ட 7000 நகரங்கள் மற்றும் டவுன்களில் ஜியோ ஏர்ஃபைபர் சேவை பயன்பாட்டுக்கு வந்துள்ளது.
புதிய சலுகைகள் டேட்டா பூஸ்டர் பிரிவின் கீழ் வழங்கப்படுகிறது. பயனர்கள் ஏற்கனவே உள்ள சலுகை தீர்ந்து போகும் பட்சத்தில் புதிய டேட்டா பூஸ்டர் சலுகைகளில் ரீசார்ஜ் செய்து கொள்ளலாம்.
ஜியோ ஏர்ஃபைபர் டேட்டா பூஸ்டர் சலுகைகள்
ரிலையன்ஸ் ஜியோவின் ஏர்ஃபைபர் டேட்டா பூஸ்டர் சலுகைகளின் விலை ரூ. 101 என துவங்குகிறது. இத்துடன் ரூ. 251 மற்றும் ரூ. 401 விலைகளிலும் கிடைக்கிறது. இந்த மூன்று சலுகைகளிலும் பயனர்கள் ஏற்கனவே ரீசார்ஜ் செய்த சலுகையில் எந்த மாற்றத்தையும் ஏற்படுத்தாமல் கூடுதல் டேட்டா வழங்குகிறது.
அதன்படி ரூ. 101 சலுகையில் ஏற்கனவே உள்ள சலுகையின் வேலிடிட்டி முடியும் வரை 100GB டேட்டா வழங்கப்படுகிறது. ரூ. 251 சலுகையில் ஏற்கனவே உள்ள சலுகையின் வேலிடிட்டி முடியும் வரை 500GB டேட்டாவும் ரூ. 401 சலுகையில் 1TB வரையிலான டேட்டாவும் வழங்கப்படுகிறது.
சமீபத்தில் தான் ஜியோ மற்றும் பாரதி ஏர்டெல் நிறுவனங்கள் இந்தியா முழுக்க 5ஜி நெட்வொர்க் எண்ணிக்கையை விரிவுப்படுத்தின. இதன் மூலம் அதிவேக 5ஜி கனெக்டிவிட்டி உறுதி செய்யப்படுகிறது.
ஏற்கனவே வெளியான அறிக்கையில், இந்தியாவில் 5ஜி சேவையை பயன்படுத்துவோர் எண்ணிக்கை அதிகமாகி வருவதால், 5ஜி டவுன்லோட் வேகம் சரிவடைந்துள்ளதாக கூறப்பட்டது. நாடு முழுக்க 5ஜி சேவையை விளம்பரப்படுத்தும் பணிகள் மும்முரமாக நடைபெற்று வந்ததே, பயனர் எண்ணிக்கை அதிகரிக்க காரணம் ஆகும்.
tech news
ஏராளமான ஃபீச்சர்ஸ்.. வெளியீட்டுக்கு தயாராகும் கேலக்ஸி ரிங்
சாம்சங் நிறுவனத்தின் கேலக்ஸி ரிங் சாதனம் ஜூலை 10 ஆம் தேதி நடைபெற இருக்கும் கேலக்ஸி அன்பேக்டு நிகழ்வில் அறிமுகம் செய்யப்படும் என்ற எதிர்பார்ப்பு எழுந்துள்ளது. புதிய கேலக்ஸி ரிங் தோற்றம் ஏற்கனவே வெளியிடப்பட்டு விட்டது. எனினும், இதில் வழங்கப்பட இருக்கும் அம்சங்கள் பற்றி எந்த தகவலும் இல்லை.
இந்த நிலையில், கேலக்ஸி ரிங் மாடலில் வழங்கப்பட இருக்கும் உடல்நலம் சார்ந்த அம்சங்கள் பற்றிய தகவல்கள் இணையத்தில் லீக் ஆகி உள்ளன. ஆண்ட்ராய்டு அத்தாரிட்டி வெளியிட்டுள்ள கேலக்ஸி ரிங் APK டியர்டவுனில் இதுபற்றிய விவரங்கள் இடம்பெற்றுள்ளன.
பயனர்கள் கேலக்ஸி ரிங் பயன்படுத்தி அடிப்படை உடல் ஆரோக்கிய அம்சங்களை டிராக் செய்து கொள்ள முடியும். அதன்படி பயனர்கள் தங்களது ஹார்ட் ரேட் மற்றும் ஸ்டிரெஸ் அளவுகளை அறிந்து கொள்ள முடியும். இத்துடன் சருமத்தில் இருந்தே உடலின் வெப்பநிலையை அறிந்து கொள்ளும் வசதி கேலக்ஸி ரிங் மாடலில் வழங்கப்படுகிறது.
இத்துடன் பெண்களின் உடல்நிலையை டிராக் செய்யும் வசதிகளும் வழங்கப்படுகிறது. கேலக்ஸி ரிங் பயனர்களின் குரட்டையை கூட டிராக் செய்யும் என்று கூறப்படுகிறது. எனினும், கேலக்ஸி வாட்ச்-இல் உள்ளதை போன்றே இந்த அம்சம் இயங்குவதற்கு போன் அருகாமையில் இருப்பது அவசியம் ஆகும். கேலக்ஸி வாட்ச் பயனரின் குரட்டை ஒலியை பதிவு செய்ய போனின் மைக்ரோபோனை பயன்படுத்தும்.
அந்த வகையில் கேலக்ஸி ரிங் சாதனமும் இதேபோன்ற வழிமுறையை கொண்டு இயங்கும் என்று கூறப்படுகிறது. இதுவரை வெளியாகி இருக்கும் தகவல்களின்படி கேலக்ஸி ரிங் சாதனம் ஒன்பது வெவ்வேறு அளவுகளில் கிடைக்கும் என்று கூறப்படுகிறது. இவற்றில் 5 முதல் 13 வரை அளவுக்கு ஏற்ற பேட்டரி வழங்கப்படும் என்று தெரிகிறது.
tech news
AI அம்சங்கள், 45W சார்ஜிங்.. ரூ. 8999-க்கு அறிமுகமான புது ஸ்மார்ட்போன்
ரியல்மி நிறுவனத்தின் முற்றிலும் புதிய C63 ஸ்மார்ட்போன் இந்திய சந்தையில் வெளியிடப்பட்டது. பட்ஜெட் பிரிவில் அறிமுகமாகி இருக்கும் புதிய ரியல்மி C63 மாடலில் வீகன் லெதர் டிசைன் மற்றும் AI அம்சங்கள் உள்ளன.
அம்சங்களை பொருத்தவரை ரியல்மி C63 ஸ்மார்ட்போனில் 6.74 இன்ச் 90Hz HD+ ஸ்கிரீன், ஆக்டா கோர் யுனிசாக் T612 பிராசஸர், மாலி G57 GPU, 4GB ரேம், 128GB மெமரி வழங்கப்பட்டு இருக்கிறது. இந்த ஸ்மார்ட்போன் ஆண்ட்ராய்டு 14 சார்ந்த ரியல்மி யுஐ 5 ஓ.எஸ். கொண்டிருக்கிறது. இத்துடன் IP54 தர சான்று பெற்ற டஸ்ட் மற்றும் ஸ்பிலாஷ் ரெசிஸ்டண்ட் வசதி வழங்கப்பட்டு உள்ளது.
புகைப்படங்களை எடுக்க 50MP டூயல் பிரைமரி கேமரா, 8MP செல்பி கேமரா வழங்கப்பட்டு இருக்கிறது. இந்த ஸ்மார்ட்போனில் AI சார்ந்து இயங்கும் ஏர் ஜெஸ்ட்யூர் வசதி வழங்கப்பட்டுள்ளது. இத்துடன் மினி கேப்ஸ்யூல், 5000mAh பேட்டரி மற்றும் 45W சார்ஜிங் வழங்கப்பட்டுள்ளது.
ரியல்மி C63 ஸ்மார்ட்போன் 4GB ரேம், 128GB மெமரி என ஒற்றை வேரியண்டில் கிடைக்கிறது. இதன் விலை ரூ. 8,999 என நிர்ணயம் செய்யப்பட்டு உள்ளது. இந்த ஸ்மார்ட்போனின் முதல் விற்பனை ஜூலை 3 ஆம் தேதி மதியம் 12 மணிக்கு ப்ளிப்கார்ட் வலைதளத்தில் நடைபெற இருக்கிறது. இதே போன்று தேர்வு செய்யப்பட்ட ரீடெயில் ஸ்டோர்களிலும் விற்பனை செய்யப்பட உள்ளது.
புதிய ரியல்மி C63 ஸ்மார்ட்போன் ஜேட் கிரீன் மற்றும் லெதர் புளூ என இரண்டு நிறங்களில் கிடைக்கிறது. இதில் லெதர் புளூ நிற வேரியண்டில் வீகன் லெதர் ஃபினிஷ் செய்யப்பட்டு இருக்கிறது.
tech news
சிம் கார்ட் PORT செய்வோருக்கு செக் வைத்த டிராய்
இந்திய தொலைத்தொடர்பு ஒழுங்குமுறை ஆணையமான டிராய்-இன் புதிய விதிமுறைகள் இன்று முதல் இந்தியாவில் அமலுக்கு வந்துள்ளன. புது விதிமுறைகள் பயனர்கள் சிம் கார்டு மாற்றுவது, ஸ்வாப் செய்யும் போது ஏற்படும் மோசடிகளில் இருந்து தப்பிக்க உதவும்.
சிம் ஸ்வாப் மற்றும் எம்.என்.பி.
பயனர்கள் ஏற்கனவே பயன்படுத்தி வரும் சிம் கார்ட்-க்கு மாற்றாக புதிய சிம் கார்ட் வாங்குவது சிம் ஸ்வாப் என்று டிராய் கூறுகிறது. எம்.என்.எப். என்கிற மொபைல் நம்பர் போர்டபிலிட்டி மூலம் பயனர்கள் தங்களின் மொபைல் நம்பரை மாற்றாமல் மற்ற நெட்வொர்க்குகளுக்கு மாற வழிவகை செய்கிறது.
2009 ஆம் ஆண்டு மொபைல் நம்பர் போர்டபிலிட்டி விதிமுறைகள் இதுவரை 9 முறை மாற்றப்பட்டு இருக்கின்றன. புதிய விதிமுறைகளின் கீழ் சிம் ஸ்வாப் அல்லது சிம் மாற்றியமைத்த ஏழு நாட்களுக்குள் யுனிக் போர்ட்டிங் கோட் (UPC) வேண்டும் என்று விடுக்கப்படும் கோரிக்கைகள் நிராகரிக்கப்பட்டு விடும்.
இவ்வாறு செய்யும் போது அங்கீகரிக்கப்படாத நபர்கள் புதிய சிம் கார்டை மோசடி வழிகளில் பெறுவது மற்றும் அவ்வாறு பெற்றவுடன் போர்ட்டிங் செய்வதையும் தடுக்க முயற்சிக்கும். புதிய விதிமுறைகள் சிம் கார்ட் ஸ்வாப் அல்லது சிம் மாற்றும் மோசடிகளில் இருந்து பயனர்களை பாதுகாக்கும்.
புதிய விதிகளின் கீழ் டெலிகாம் சேவை வழங்கும் நிறுவனங்கள், பயனர் சிம் ஸ்வாப் அல்லது சிம் மாற்றியமைத்த ஏழு நாட்களுக்குள் யு.பி.சி. கோட் வேண்டும் என்று கோரிக்கை விடுக்கும் பட்சத்தில் அவற்றை நிராகரிக்க வேண்டும். இதற்காக யு.பி.சி.-யை நிராகரிக்க புதிய அளவுகோல் நிர்ணயிக்கப்பட்டு இருக்கிறது.
அதன்படி யு.பி.சி. வழங்குவதற்கு முன் டெலிகாம் நிறுவனங்கள் பின்வரும் நிலைகளை சரிபார்ப்பது அவசியம் ஆகும்.
1 – பயனர் கடைசியாக போர்ட் செய்த தேதியை பார்க்க வேண்டும். ஒருவேளை எம்.என்.பி. செய்து 90 நாட்கள் முடியவில்லை எனில், அதற்கான கோரிக்கையை நிராகரிக்கலாம்.
2 – ஏற்கனவே அதே நம்பரில் இருந்து போர்ட்டிங் செய்வதற்கான கோரிக்கை நிலுவையில் இருந்தால், புதிய எம்.என்.பி. கோரிக்கையை நிராகரிக்கலாம்.
3 – ஏற்கனவே யு.பி.சி. வழங்கப்பட்டு அதற்கான வேலிடிட்டி இன்னும் நிறைவடையவில்லை எனில், அதற்கான கோரிக்கையை நிராகரிக்க முடியும்.
மேலே குறிப்பிட்டுள்ள நிலைகள் அனைத்தும் சரியாக இருக்கு் பட்சத்தில், டெலிகாம் நிறுவனங்கள் யு.பி.சி. வழங்க முடியாது. மேலும், பயனர்கள் யு.பி.சி. கோரி விடுத்த கோரிக்கைக்கு எஸ்.எம்.எஸ். மூலம் தகுந்த விளக்கத்துடன் பதில் அளிக்க வேண்டும்.
tech news
கூகுள் சர்ச்-இல் ஸ்னேக் கேம் விளையாடலாம் – எப்படி தெரியுமா?
செல்போன்கள் பரவலான காலக்கட்டம், 90-ஸ் கிட்ஸ் மனங்களில் இன்றும் அலாதியான உணர்வை ஏற்படுத்தும் கேம்களில் ஒன்று ஸ்னேக் கேம் (Snake Game). நோக்கியா செல்போன்களில் இந்த ஸ்னேக் கேம் மிகவும் பிரபலமாக இருந்தது. அனைவராலும் எளிதில் விளையாடக்கூடிய கேம் இது.
இதுமட்டுமின்றி ஸ்னேக் கேம் விளையாடுவோருக்கு அதிக சுவாரஸ்யத்தை வழங்கும். அதிநவீன கிராஃபிக்ஸ், கண்கவர் நிறங்கள் என எதுவும் இல்லாமலேயே ஸ்னேக் கேம் அனைவரின் மனங்களை வென்றுள்ளது. இன்றும் இந்த கேமை விளையாடுவோர் நிச்சயம் இருக்கத் தான் செய்கின்றனர்.
இத்தகைய பிரபலமான ஸ்னேக் கேமினை கூகுள் சர்ச்-லேயே விளையாட முடியும் என்று உங்களுக்கு தெரியுமா? இந்த கேம் விளையாட அதனை டவுன்லோட் செய்யவோ, இதற்கென தனி பிளேயர் அல்லது ஃபைல்களை இன்ஸ்டால் செய்ய வேண்டிய அவசியம் எதுவும் இல்லை.
அந்த வகையில், ஸ்னேக் கேமை கூகுள் சர்ச் பாரில் இருந்த படி எப்படி விளையாடலாம் என்பதை தொடர்ந்து பார்ப்போம்.
- இதற்கு உங்களது பிரவுசரில், கூகுள் சர்ச்-ஐ முதலில் திறக்க வேண்டும்.
- சர்ச் பாரில் ஸ்னேக் (Snake) என்று பதிவிட்டு எண்டர் பட்டனை க்ளிக் செய்ய வேண்டும்.
- இனி சர்ச் ரிசல்ட்களின் மேல்புறத்திலேயே ஸ்னேக் கேம் விளையாடும் வகையில் பட்டியலிடப்பட்டு இருக்கும்.
- அதில் உள்ள பிளே (Play) ஐகானை க்ளிக் செய்தால் போதுமானது.
- இனி கீபோர்டில் உள்ள ஏரோ பட்டன்களை (Arrow Keys) க்ளிக் செய்து ஸ்னேக் கேம் விளையாட துவங்கலாம்.
tech news
போக்கோ போனுக்கு ரூ. 5,000 விலை குறைப்பு – அமேசான் அறிவிப்பு
போக்கோ இந்தியா நிறுவனம் இந்த ஆண்டு துவக்கத்தில் போக்கோ X6 5ஜி ஸ்மார்ட்போன் மாடலை இந்திய சந்தையில் அறிமுகம் செய்தது. புதிய போக்கோ ஸ்மார்ட்போனில் குவால்காம் நிறுவனத்தின் ஸ்னாப்டிராகன் 7s ஜென் 2 பிராசஸர் வழங்கப்பட்டு இருக்கிறது. இந்த ஸ்மார்ட்போனில் அதிக ரெசல்யுஷன் கொண்ட AMOLED டிஸ்ப்ளே வழங்கப்பட்டு இருக்கிறது.
இந்திய சந்தையில் ரூ. 24,999 விலையில் அறிமுகம் செய்யப்பட்ட போக்கோ X6 5ஜி ஸ்மார்ட்போனிற்கு தற்போது அசத்தல் விலை குறைப்பு அறிவிக்கப்பட்டு இருக்கிறது. இந்த விலை குறைப்பு அமேசான் இந்தியா தளத்தில் மட்டும் அமலுக்கு வந்துள்ளது. அதன்படி போக்கோ X6 5ஜி 12GB ரேம், 512GB மெமரி மாடல் விலை ரூ. 24,999-இல் இருந்து ரூ. 21,999 என குறைந்துள்ளது.
அமேசான் தளத்தில் இந்த விலை குறைப்பு அமலுக்கு வந்துள்ளது. விலை குறைப்பு மட்டுமின்றி ICICI அல்லது HDFC வங்கி கார்டு பயன்படுத்தும் பயனர்களுக்கு ரூ. 1000 கூடுதல் தள்ளுபடி வழங்கப்படுகிறது. இதன் மூலம் போக்கோ X6 5ஜி விலை ரூ. 20,999 என மாறிவிடும்.
இதேபோன்ற விலை குறைப்பு 8GB ரேம், 256GB மெமரி மற்றும் 12GB ரேம், 256GB மெமரி மாடல்களுக்கும் அறவிக்கப்பட்டு இருக்கிறது. அதன்படி இவற்றின் விலை முறையே ரூ. 21,999 மற்றும் ரூ. 23,999-இல் இருந்து ரூ. 17,999 மற்றும் ரூ.18,999 என மாறி விடும்.
அம்சங்களை பொருத்தவரை போக்கோ X6 5ஜி மாடலில் 6.67 இன்ச் AMOLED டிஸ்ப்ளே, 1.5K ரெசல்யுஷன், 120Hz ரிப்ரெஷ் ரேட், இன் ஸ்கிரீன் கைரேகை சென்சார், கொரில்லா கிளாஸ் விக்டஸ் பாதுகாப்பு, IP54 தர வாட்டர் மற்றும் டஸ்ட் ரெசிஸ்டண்ட் வசதி வழங்கப்பட்டு இருக்கிறது.
இந்த ஸ்மார்ட்போனிற்கு மூன்று ஆண்ட்ராய்டு ஓ.எஸ் அப்கிரேடுகளும், நான்கு ஆண்டுகளுக்கு செக்யூரிட்டி அப்டேட்களும் வழங்குவதாக போக்கோ அறிவித்து இருக்கிறது.
இந்த ஸ்மார்ட்போன் ஆண்ட்ராய்டு 13 சார்ந்த MIUI 14 ஓ.எஸ். கொண்டுள்ளது. விரைவில் இந்த ஸ்மார்ட்போனிற்கு ஹைப்பர் ஓ.எஸ். வழங்கப்படும் என்று எதிர்பார்க்கலாம். இந்த ஸ்மார்ட்போனில் ஸ்னாப்டிராகன் 7s ஜென் 2 பிராசஸர், LPDDR4x ரேம், UFS 2.2 ரக ஸ்டோரேஜ், 5100mAh பேட்டரி, 67W சார்ஜிங் வசதி உள்ளது.
-
Cricket2 days ago
கோப்பையோடு விடைபெற்ற விராட் கோலி – ரோஹித் ஷர்மா!
-
Cricket1 day ago
டி20 உலகக் கோப்பை வென்ற இந்திய அணிக்கு ரூ. 125 கோடி.. பி.சி.சி.ஐ. அதிரடி
-
Cricket15 hours ago
ராயல் சேலஞ்சர்ஸ் பெங்களூர் அணிக்குள் மீண்டும் தினேஷ் கார்த்திக்… வெளியான ஆச்சரிய அறிவிப்பு..
-
tech news1 day ago
இனி பேட்டரி மாற்ற சிரமம் வேண்டாம்.. ஐபோனில் அறிமுகமாகும் புது வசதி
-
tech news1 day ago
போக்கோ போனுக்கு ரூ. 5,000 விலை குறைப்பு – அமேசான் அறிவிப்பு
-
latest news12 hours ago
முதல்வரிடம் சமர்பிக்கப்பட்டது மாநில கல்வி கொள்கை… இதற்கெல்லாம் இனி தடா தான்!…
-
Cricket1 day ago
கோலி, ரோகித் வரிசையில் ஜடேஜா.. சர்வதேச டி20 கிரிக்கெட்டில் இருந்து ஓய்வு..!
-
Cricket1 day ago
டி20 உலகக் கோப்பை இறுதிப் போட்டி – ஓ.டி.டி. வியூஸ் இத்தனை கோடிகளா?