தீபாவளி தமாக்கா ஆஃபர்.. ரூ. 699-க்கு ஜியோபாரத் போன்..!

ஜியோபாரத் 4ஜி ஃபீச்சர் போன் மாடல்களின் விலை இந்தியாவில் குறைக்கப்பட்டு இருக்கிறது. தீபாவளி பண்டிகையை ஒட்டி விலை குறைப்பு அறிவிக்கப்பட்டு இருக்கிறது. இந்த அறிவிப்பின் மூலம் ஜியோராரத் 4ஜி போனின் விலை ரூ. 999-இல் இருந்து ரூ. 699 என குறைந்துள்ளது. ஜியோபாரத் தீபாவளி தமாக்கா ஆஃபரின் கீழ் விலை குறைப்பு வழங்கப்படுகிறது.

இதேபோன்று 2ஜி போன் வைத்திருப்பவர்கள் ஜியோபாரத் 4ஜி போனிற்கு அப்கிரேடு ஆகும் போது தள்ளுபடி செய்யப்பட்ட விலையில் பெற முடியும். இத்துடன் ஜியோபாரத் ரீசார்ஜ்-இல் பயன்பெற முடியும். தற்போது இந்தியாவில் கிடைக்கும் குறைந்த விலை ஃபீச்சர் போன் ரீசார்ஜ் இது என்பது குறிப்பிடத்தக்கது.

ஜியோபாரத் தீபாவளி தமாக்கா ஆஃபர் விவரங்கள்:

ஜியோபாரத் K1 மற்றும் ஜியோபாரத் V2 மாடல்களை ரூ. 999-க்கு பதிலாக ரூ. 699 விலையில் வாங்கிட முடியும். பண்டிகை காலத்தை ஒட்டி இரு மாடல்களின் விலை ரூ. 300 குறைக்கப்பட்டு இருக்கிறது. இந்த விலை குறைப்பு நவம்பர் 3 ஆம் தேதி வரை அமலில் இருக்கும் என்று தெரிகிறது. இத்துடன் ஜியோபாரத் 4ஜி போன் வாங்குபவர்கள் ரூ. 123 விலையில் கிடைக்கும் சலுகையை பெற முடியும்.

ரூ. 123 ஜியோபாரத் ரீசார்ஜ் செய்வோருக்கு 14GB டேட்டா ஒவ்வொரு மாதமும் வழங்கப்படுகிறது. இத்துடன் அன்லிமிட்டெட் வாய்ஸ் கால் வழங்கப்படுகிறது. இத்துடன் ஜியோசாட் மூலம் மெசேஜிங் வசதியும் வழங்கப்படுகிறது. டேட்டா மற்றும் காலிங் தவிர்த்து பயனர்கள் 450-க்கும் அதிக நேரலை சேனல்களை பார்க்கும் வசதி, ஜியோசினிமா மூலம் திரைப்படங்களை ஸ்டிரீமிங் செய்யும் வசதியும் வழங்கப்படுகிறது.