நா ரெடிதான் வரவா..! புது ஸ்மார்ட் டிவி மூலம் ஒரே அடியாக சம்பவம் செய்ய போர லாய்டு!

லாய்டு நிறுவனம் இந்திய சந்தையில் தனது புதிய QLED மற்றும் HD ரெடி டிவி மாடல்களை அறிமுகம் செய்து இருக்கிறது. புதிய ஸ்மார்ட் டிவி மாடல்கள் வெப்ஒஎஸ் தளத்தில் இயங்குகின்றன. QLED டிவி சீரிசில் 43 இன்ச், 50 இன்ச் மற்றும் 55 இன்ச் மாடல்கள் இடம்பெற்றுள்ளன. இந்த டிவி மாடல்கள் 4K அப்-ஸ்கேலிங், MEMC தொழில்நுட்பம், HDR10 சப்போர்ட், ஆப்பிள் சாதனங்களுடன் இணைந்து இயங்கும் வசதி கொண்டுள்ளன.

Lloyd-QLED-TV

புதிய HD ரெடி மாடல்கள் 32 இனஅச் அளவில் கிடைக்கிறது. இந்த மாடல் சிறப்பான நிறங்களை பிரதிபலிக்கிறது. QLED மற்றும் HD டிவி மாடல்களிலும் முன்னணி ஒடிடி தளங்களை பயன்படுத்துவதற்கான வசதி, தனிப்பட்ட முறையில் தரவுகளை பார்ப்பதற்கு பரிந்துரை வழங்குகின்றன. இத்துடன் டால்பி ஆடியோ தொழில்நுட்பம் மூலம் க்ரிஸ்டல்-க்ளியர் சவுன்ட் அனுபவத்தை பெற முடியும்.

Lloyd-32-in-HD-Ready-Smart-TV

இரு மாடல்களிலும் மோஷன் எஸ்டிமேஷன், மோஷன் காம்பென்சேஷன், ALLM தொழில்நுட்பம் வழங்கப்பட்டு இருக்கிறது. இவை சீரான காட்சிகளை ஒளிபரப்புகின்றன. இதில் உள்ள HDR10 மற்றும் HLG பிரைட்னசை மேம்படுத்தி, நிறங்களை சிறப்பாக பிரதிபலிக்கிறது.

புதிய டிவிக்களுடன் வழங்கப்படும் மேஜிக் ரிமோட் கொண்டு பயனர்கள் டிவியை கண்ட்ரோல் செய்ய முடியும். ஆப்பிள் இன்டகிரேஷன் மூலம் பிரத்யேக தரவுகளை பார்ப்பதோடு, ஸ்டிரீமிங் வசதிகளும் வழங்கப்படுகிறது.

லாய்டு QS850E QLED மற்றும் 32WS550E டிவி அம்சங்கள் :

QLED மாடல் – 43 இன்ச், 50 இன்ச் மற்றும் 55 இன்ச் 4K QLED டிஸ்ப்ளே, 60Hz ரிப்ரெஷ் ரேட்
HD ரெடி மாடல் – 32 இன்ச் HD ரெடி LED ஸ்கிரீன், 60Hz ரிப்ரெஷ் ரேட்
HDR10, HLG மற்றும் MEMC சப்போர்ட்
வெப்ஒஎஸ் டிவி
ஆப்பிள் டிவி, ஏர்பிளே, ஆப்பிள் மியூசிக் மற்றும் ஆப்பிள் ஹோம்கிட் சப்போர்ட்
பில்ட்-இன் யூடியூப், நெட்ஃப்ளிக்ஸ், பிரைம் வீடியோ, டிஸ்னி பிளஸ் ஹாட்ஸ்டார்
3x HDMI, 2x USB, வைபை, ப்ளூடூத், வயர்லெஸ் LAN அடாப்டர்
மேஜிக் ரிமோட்
20 வாட் ஸ்பீக்கர்கள் மற்றும் டால்பி ஆடியோ

விலை மற்றும் விற்பனை விவரங்கள் :

லாய்டு QLED டிவி மாடலின் 43 இன்ச் விலை ரூ. 29 ஆயிரத்து 999 என்றும் 50 இன்ச் விலை ரூ. 39 ஆயிரத்து 999 என்றும் 55 இன்ச் மாடல் விலை ரூ. 44 ஆயிரத்து 990 என்றும் நிர்ணயம் செய்யப்பட்டு உள்ளது. லாய்டு HD ரெடி 32 இன்ச் மாடல் விலை ரூ. 13 ஆயிரத்து 999 என்று நிர்ணயம் செய்யப்பட்டுள்ளது. இந்த டிவி மாடல்கள் அனைத்தும் ப்ளிப்கார்ட் தளத்தில் விற்பனைக்கு கிடைக்கிறது.