ரூ. 9 ஆயிரம் பட்ஜெட்டில் ஸ்மார்ட் டிவி அறிமுகம் செய்த மோட்டோரோலா!

மோட்டோரோலா நிறுவனத்தின் புதிய ஸ்மார்ட் டிவி மாடல்கள் இந்திய சந்தையில் விற்பனைக்கு அறிமுகம் செய்யப்பட்டன. லெனோவோ நிறுவனத்தின் துணை பிராண்டு மோட்டோரோலா புதிய ஸ்மார்ட் டிவிக்களை என்விஷன் டிவி சீரிசில் அறிமுகம் செய்திருக்கிறது. புதிய ஸ்மார்ட் டிவி மாடல்கள் பல்வேறு அளவுகளில், வித்தியாச ரெசல்யூஷன்களில் கிடைக்கின்றன. இவற்றின் விலையும் குறைவாகவே நிர்ணயம் செய்யப்பட்டுள்ளன.

மோட்டோரோலா என்விஷன் சீரிஸ் ஸ்மார்ட் டிவி மாடல்கள் 32 இன்ச், 43 இன்ச் மற்றும் 55 இன்ச் என்று மூன்றுவித அளவுகளில் கிடைக்கின்றன. இதன் 43 இன்ச் மாடல் FHD மற்றும் 4K டிஸ்ப்ளே ரெசல்யூஷன் கொண்டிருக்கின்றன. 32 இன்ச் மற்றும் 55 இன்ச் வேரியண்ட்கள் முறையே HD மற்றும் 4K ரெசல்யூஷன்களை கொண்டுள்ளன. இதன் HD மற்றும் FHD டிவிக்கள் 270 நிட்ஸ் பீக் பிரைட்னஸ் கொண்டிருக்கின்றன. 4K மாடல் 330 நிட்ஸ் பீக் பிரைட்னஸ் கொண்டிருக்கிறது.

ஆடியோவை பொருத்தவரை புதிய மோட்டோரோலா என்விஷன் டிவி சீரிஸ் 20 வாட் ஸ்பீக்கர்களுடன் கிடைக்கின்றன. இந்த ஸ்மார்ட் டிவிக்களில் குவாட்கோர் மீடியாடெக் பிராசஸர் வழங்கப்பட்டுள்ளன. மோட்டோரோலா என்விஷன் HD மற்றும் FHD வேரியண்ட்கள் 1 ஜிபி ரேம் கொண்டிருக்கின்றன. 4K மாடல்களில் 2 ஜிபி ரேம் உள்ளது. நான்கு டிவி மாடல்களிலும் 8 ஜிபி இண்டர்னல் மெமரி வழங்கப்பட்டு இருக்கிறது.

இந்த டிவிக்களில் ஆண்ட்ராய்டு டிவி 11 ஒஎஸ் உள்ளது. கனெக்டிவிட்டிக்கு வைபை, ப்ளூடூத், மூன்று HDMI போர்ட்கள், இரண்டு USB போர்ட்கள், ஒரு ஈத்தர்நெட் போர்ட் வழங்கப்பட்டுள்ளது.

விலை மற்றும் விற்பனை விவரங்கள்:

மோட்டோரோலா என்விஷன் டிவி சீரிஸ் 32 இன்ச் மாடல் விலை ரூ. 9 ஆயிரத்து 999 என்றும் 43 இன்ச் FHD மாடல் விலை ரூ. 19 ஆயிரத்து 999 என்றும் 4K மாடல் விலை ரூ. 21 ஆயிரத்து 999 என்றும் நிர்ணயம் செய்யப்பட்டு உள்ளது. 55 இன்ச் மாடல் விலை ரூ. 31 ஆயிரத்து 999 என்று நிர்ணயம் செய்யப்பட்டு உள்ளது. புதிய மோட்டோரோலா ஸ்மார்ட் டிவி மாடல்களின் விற்பனை ப்ளிப்கார்ட் வலைதளத்தில் ஏற்கனவே துவங்கி நடைபெற்று வருகிறது.