மோட்டோ ரேசர் 40 இந்திய வெளியீடு உறுதி – அமேசானில் விற்பனைக்கு வருகிறது!

மோட்டோரோலா ரேசர் 40 சீரிஸ் இந்திய வெளியீடு உறுதியாகி இருக்கிறது. முன்னதாக சீன சந்தையில் அறிமுகம் செய்யப்பட்ட ரேசர் 40 சீரிசில் ரேசர் 40 மற்றும் ரேசர் 40 அல்ட்ரா மாடல்கள் இடம்பெற்றுள்ளன. இதன் பேஸ் வேரியண்டில் குவால்காம் ஸ்னாப்டிராகன் 7 ஜென் 1 பிராசஸர் வழங்கப்பட்டு இருக்கிறது. ரேசர் 40 அல்ட்ரா மாடலில் குவால்காம் ஸ்னாப்டிராகன் 8 பிளஸ் ஜென் 1 பிராசஸர் வழங்கப்படுகிறது.

இரு மாடல்களிலும் முறையே 4200 எம்ஏஹெச் பேட்டரி மற்றும் 3800 எம்ஏஹெச் பேட்டரி வழங்கப்பட்டு உள்ளன. இந்திய சந்தையில் மோட்டோரோலா ரேசர் 40 சீரிஸ் இந்திய சந்தையில் அமேசான் தளத்தில் விற்பனை செய்யப்பட இருக்கிறது. மோட்டோ ரேசர் 40 சீரிஸ் இந்திய வெளியீடு உறுதியாகி இருக்கும் நிலையில், சரியான வெளியீட்டு தேதி குறிப்பிடப்படவில்லை.

ஃபெங்யா பிளாக், ஐஸ் க்ரிஸ்டல் புளூ மற்றும் மெக்னடா நிறங்களில் கிடைக்கும் மோட்டோ ரேசர் 40 சீரிஸ் 8 ஜிபி ரேம், 256 ஜிபி மெமரி மற்றும் 12 ஜிபி ரேம், 512 ஜிபி மெமரி என இரண்டு வேரியண்ட்களில் கிடைக்கிறது. மோட்டோரோலா ரேசர் 40 மாடல் அஸ்யூர் கிரே, பிரைட் மூன் வைட் மற்றும் செர்ரி பவுடர் நிறங்களில் கிடைக்கிறது. இந்த மாடல் 8 ஜிபி ரேம், 128 ஜிபி மெமரி, 8 ஜிபி ரேம், 256 ஜிபி மெமரி, 12 ஜிபி ரேம், 256 ஜிபி மெமரி ஆப்ஷன்களில் கிடைக்கிறது.

மோட்டோரோலா ரேசர் போன்களில் 6.9 இன்ச் 1080×2640 பிக்சல் pOLED ஸ்கிரீன் வழங்கப்பட்டு இருக்கிறது. ரேசர் 40 அல்ட்ரா மாடலின் உள்புறம் 165Hz ரிப்ரெஷ் ரேட் உள்ளது. ரேசர் 40 மாடலில் 144Hz ரிப்ரெஷ் ரேட் உள்ளது. ரேசர் 40 அல்ட்ரா மாடலில் 3.6 இன்ச் 1056×1066 பிக்சல் pOLED வெளிப்புற ஸ்கிரீன் உள்ளது. இதன் பேஸ் மாடலில் 1.5 இன்ச் இரண்டாவது டிஸ்ப்ளே உள்ளது.

புகைப்படங்களை எடுக்க ரேசர் 40 அல்ட்ரா மாடலில் 12MP பிரைமரி கேமரா, OIS, 13MP அல்ட்ரா வைடு ஆங்கில் லென்ஸ் உள்ளது. ரேசர் 40 மாடலில் 64MP பிரைமரி கேமரா, 12MP சென்சார் மற்றும் அல்ட்ரா வைடு ஆங்கில் லென்ஸ் வழங்கப்பட்டு இருக்கிறது. இரு மாடல்களிலும் 32MP செல்ஃபி கேமரா வழங்கப்பட்டு உள்ளது.