நத்திங் போன் புது எடிஷன் அறிமுகம்- என்ன ஸ்பெஷல்..?

நத்திங் நிறுவனத்தின் முற்றிலும் புதிய நத்திங் போன் 2a பிளஸ் கம்யுனிட்டி எடிஷன் ஸ்மார்ட்போன் அறிமுகம் செய்யப்பட்டது. இது டிசைன், அம்சங்கள் அடிப்படையில் போன் 2a பிளஸ் மாடலை போன்றதாகும். எனினும், இதன் அம்சங்கள் கம்யூனிட்டியால் டிசைன் செய்யப்பட்டவை.

கடந்த ஆறு மாத காலங்களில் 47 நாடுகளை சேர்ந்த சுமார் 900-க்கும் அதிக டிசைன்களில் இருந்து தேர்வு செய்யப்பட்ட டிசைன் அம்சங்கள் புதிய கம்யூனிட்டி எடிஷன் மாடலில் வழங்கப்பட்டு இருக்கிறது. இந்த போனின் பின்புறம் கிரீன்-டின்ட் பாஸ்பொரசென்ட் மெட்டீரியல் ஃபினிஷ் செய்யப்பட்டுள்ளது. இது ஸ்மார்ட்போனின் பின்புறத்தை இருள் சூழ்ந்த இடங்களில் ஒளிர செய்கிறது.

இந்த டிசைன் மூலம், ஸ்மார்ட்போன் இருட்டில் எங்கேயும் மாயமானால் எளிதில் கண்டறிய முடியும். இந்த ஸ்மார்ட்போனில் கம்யூனிட்டி சார்பில் உருவாக்கப்பட்ட 6 வால்பேப்பர்கள் வழங்கப்பட்டுள்ளன. இந்த போனின் பேக்கேஜிங்கில் நத்திங் டிசைன் பயன்படுத்தப்பட்டு இருக்கிறது. இது போன் இருளில் ஒளிரும் 3டி படம் கொண்டிருக்கிறது.

அம்சங்களை பொருத்தவரை நத்திங் போன் 2a பிளஸ் மாடலில் 6.7 இன்ச் FHD+ OLED flexible AMOLED டிஸ்ப்ளே, ஆக்டா கோர் மீடியாடெக் டிமென்சிட்டி 7350 ப்ரோ சிப்செட், மாலி G610 MC4 GPU, 12GB ரேம், 256GB மெமரி வழங்கப்பட்டு இருக்கிறது. இந்த ஸ்மார்ட்போன் ஆண்ட்ராய்டு 14 சார்ந்த நத்திங் ஓஎஸ் 2.6 கொண்டிருக்கிறது. இத்துடன் டூயல் சிம் ஸ்லாட் உள்ளது.

புகைப்படங்களை எடுக்க 50MP பிரைமரி கேமரா, f/1.8, OIS, 50MP அல்ட்ரா வைடு கேமரா, 50MP செல்பி கேமரா வழங்கப்பட்டு இருக்கிறது. இத்துடன் இன் டிஸ்ப்ளே ஆப்டிக்கல் கைரேகை சென்சார், யுஎஸ்பி டைப் சி ஆடியோ, 5ஜி, டூயல் 4ஜி வோல்ட்இ, வைபை 6, ப்ளூடூத் 5.3, யுஎஸ்பி டைப் சி, 5000mAh பேட்டரி, 50 வாட் பாஸ்ட் சார்ஜிங் வசதி வழங்கப்பட்டு இருக்கிறது.

புதிய நத்திங் போன் 2a பிளஸ் கம்யூனிட்டி எடிஷன் மாடலின் விலை ரூ. 29,999 ஆகும். இந்த எடிஷன் ஒட்டுமொத்தத்தில் 1000 யூனிட்களே விற்பனை செய்யப்பட உள்ளன.