அதிரடி விலை குறைப்பு.. ₹9,499-க்கு ரெட்மி 5G போன் – எந்த மாடல்?

சியோமி நிறுவனத்தின் ரெட்மி 13C 5G ஸ்மார்ட்போன் இந்திய சந்தையில் தள்ளுபடி செய்யப்பட்ட விலையில் கிடைக்கிறது. கடந்த ஆண்டு டிசம்பர் மாதம் இந்தியாவில் அறிமுகம் செய்யப்பட்ட ரெட்மி 13C 5G மாடல் அந்நிறுவனத்தின் ரெட்மி 12 5ஜி ஸ்மார்ட்போனின் மேம்பட்ட வெர்ஷனாக அறிமுகம் செய்யப்பட்டது.

இந்த ஸ்மார்ட்போனின் மிக முக்கிய சிறப்பம்சமாக 5ஜி கனெக்டிவிட்டி மற்றும் 90Hz டிஸ்ப்ளேவை குறிப்பிடலாம். இந்த இரு அம்சங்கள் இருந்த போதிலும் இந்த மாடல் பட்ஜெட் விலையிலேயே விற்பனை செய்யப்பட்டு வந்தது. அறிமுகத்தின் போது ரூ. 13,999 விலையில் விற்பனை செய்யப்பட்டு ரெட்மி 13C 5G ஸ்மார்ட்போன் தற்போது சற்றே குறைக்கப்பட்ட விலையில் விற்பனைக்கு கிடைக்கிறது.

கூப்பன் வடிவில் வழங்கப்படும் தள்ளுபடியைத் தொடர்ந்து ரெட்மி 13C 5G மாடலுக்கு ரூ. 1000 தள்ளுபடி வழங்கப்படுகிறது. இதுதவிர அந்நிறுவனம் ஏற்கனவே இந்த ஸ்மார்ட்போனின் விலையை ரூ. 10,499 என குறைத்து இருக்கிறது. இவை இரண்டையும் சேர்க்கும் போது ரெட்மி 13C 5G விலை ரூ. 9,499 என மாறிவிடும். இதுதவிர அமேசான் ஐசிஐசிஐ வங்கி கிரெடிட் கார்டு பயன்படுத்தும் போது கூடுதலாக 5 சதவீதம் வரை கேஷ்பேக் வழங்கப்படுகிறது.

அம்சங்களை பொருத்தவரை ரெட்மி 13C 5G மாடலில் 6.74 இன்ச் டியூ-டிராப் LCD ஸ்கிரீன், 90Hz ரிப்ரெஷ் ரேட், மீடியாடெக் டிமென்சிட்டி 6100+ 5G பிராசஸர், அதிகபட்சம் 8GB ரேம், 256GB மெமரி வழங்கப்பட்டு இருக்கிறது. போட்டோக்களை எடுக்க 50MP டூயல் கேமரா சென்சார், 5MP செல்பி கேமரா வழங்கப்பட்டு இருக்கிறது. கனெக்டிவிட்டிக்கு பக்கவாட்டில் கைரேகை சென்சார் உள்ளது.

இத்துடன் 5G, வைபை, ப்ளூடூத், யுஎஸ்பி டைப் சி போர்ட், 3.5mm ஆடியோ ஜாக் மற்றும் ஆண்ட்ராய்டு 13 சார்ந்த MIUI 14 ஓஎஸ் வழங்கப்பட்டு இருக்கிறது.